Poraus seni Fefin Chon Amwa, April 2016
Noun Samach Esemuch Nengin
Anneani ekkei puk fiti iotek me kutta om kopwe sinei met kopwe aporausa. Ifa ussun om weweiti “An ewe Famini: Esinesin ngeni ei Fonufan” a anapano om nuku non Kot me efeiochu ekkewe ka tumunur ren chon amwa? Ren pwan ekkoch poraus, kopwe nengeni reliefsociety.lds.org.
Nuku, Famini, Aninis
Ekkewe pukefel ra aitikich pwe “kich noun Kot” (Foffor 17:29). Kot a porous ussun Emma Smith, punuwen ewe Soufos Joseph Smith, pwe “nei fopun” (D&C 25:1). Ewe esinesinen famini a aitikich pwe emon me emon kich “noun samach me inach non nang nengin non pekin ngun …mi achengicheng.”1
“Non ewe neni [me mwen manauach won fonufan], sia kaeo ussun nonomuch fefin feinfeino,” Carole M. Stephens, aemonun chon aninis non ewe mwichenapen presetensin Mwichen Fin Anisi a apasa.
“Ach sia feito ngeni fonufan ese siwin ekana ennet.”2
“Sememi won Nang a sinei itemi me sinei nonnomumi,” Elder Jeffrey R. Holland seni ewe mwichen Engon me Ruemon Aposel a apasa. “I a rong ami iotek. I a sinei ami apinukunuk me anean, pachenong ami nuokus me osukosuk.”3
“Emon me emon kich sia chon an Kot ewe famini me a mochen kich,” Sister Stephens a apasa. “Famini won fonufan ir meinisin mi sokofesen. Iwe nupwen sia fori ukukun ach tongeni ne forata famini mi pochokun, chochon ewe faminien Kot ese anongonong won sokkun nonnomun—mi pupunu, nonnomun sam me in, nonnomun pekin moni, nonnomun aramas, ika pwan mwo ekkewe sokkun nonnomuch sia wato won nenien aporousa mettoch.”4
Pwan ekkoch Wokisin
Seni Ach Uruo
Non an aporousa ewe Aewin Nemwesepwi,5 ewe Soufos Joseph Smith a apungono chommong ennet—mi pachenong pwe Samach won Nang a sinei itach.
Ewe anuwon Joseph a ani osukosukan an mochen sinei menni mwichefen epwe choni me a kuna emwen me non James 1:5. Joseph a finata pwe epwe tingor ngeni Kot.
Ew sosoran non 1820, a feinno ngeni nein petewen an epwe iotek nge mwitir chok ew pochokunen rochopwak a ponueno I. Ren ei a makkei:
“Non chok ei fansoun nuokus, ua kuna eu saramaram nap seni ewe tinin akkar, a nom wenewenen mokurei. Ewe Saram a chok sarametiw ekkis me ekkis tori a nom woi.
“Non na fansoun ua kuna pwe ua ngaseno seni ewe chon oput ngang minne a omochuei me fotiei. Nupwen ewe saram a toriei ua kuna ruemon Aramas, ukukun ninger use tongeni awewei, nge ra chok ukuta non asepwan. Emon me neir a fos ngeniei, a kokkoriei ren itei, a itini ngeni ewe emon me a apasa—Iei Nei we At mi Achengicheng. Kopwe ausening ngeni I!” (Joseph Smith—History 1:16–17).
© 2016 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/15 Kapungunon awewen: 6/15. Awewen Visiting Teaching Message, April 2016. Chuukese. 12864 901
Ekkieki Usun Ei
Ifa ussun om sinei pwe en noun Kot nengin a siwini om ekiek?