Mesaj Vizit nan Fwaye, Avril 2016
Pitit Fi Papa Etènèl nou an
Etidye materyèl sa a nan lapriyè epi chèche konnen kisa pou w pataje. Kòman konpreyansyon sou “Fanmi: Yon Pwoklamasyon pou Mond lan” ogmante lafwa w nan Bondye ak beni moun n ap veye sou yo atravè vizit nan fwaye yo? Pou plis enfòmasyon, ale nan reliefsociety.lds.org.
Lafwa, Fanmi, Sekou
Ekriti yo anseye nou ke “nou se pitit Bondye” Travay 17:29. Bondye te fè referans ak Emma Smith, madam Pwofèt Joseph Smith, kòm “pitit fi mwen” (D&A. 25:1). Pwoklamasyon sou fanmi an anseye nou ke nou chak se “yon pitit fi lespri byenneme … ki soti nan paran selès.”1
Carole M. Stephens, premyè konseyè nan prezidans jeneral Sosyete Sekou a, te di: “Nan domèn [premòtèl la], nou te aprann sou idantite etènèl nou.”
“Vwayaj nou nan mòtalite a pa chanje verite sa yo.”2.
Eldè Jeffrey R. Holland nan Kolèj Douz Apot yo, te di: “Papa w ki nan Syèl la konnen non ou epi Li konnen sitiyasyon ou.” “Li tande priyè w yo. Li konnen espwa w ak rèv ou, enkli laperèz ou ak fristrasyon w yo tou.”3
Sè Stephens di: “Nou chak fè pati fanmi Bondye epi fanmi sa a bezwen nou.” “Chak fanmi terès parèt diferan. Epi pandan n ap fè tout sa nou kapab pou nou fonde fanmi tradisyonèl ki solid, apatenans nou nan fanmi Bondye a pa depann sou okenn lòt relasyon ni okenn lòt kondisyon—tankou kondisyon marital, kondisyon parantal, kondison finansye, kondisyon sosyal, ni menm ki kalite bagay nou pibliye nan medya sosyal.”4
Ekriti adisyonèl
Nan Istwa Nou
Nan resi Premye Vizyon li a,5 Pwofèt Joseph Smith verifye anpil verite—ladan yo gen verite ke Pè Selès nou an konnen non nou.
Jèn Joseph te gen difikilte pou l te konnen nan ki legliz pou l te antre e li te resevwa oryantasyon nan Jak 1:5. Joseph te deside ke li ta dwe mande Bondye.
Yon maten pandan sezon prentan ane 1820 an, li te ale nan boskè a pou l priye, men yon pouvwa tenèb te anvayi l imedyatman. Konsènan sa li te ekri:
“Imedyatman nan moman gwo detrès sa a, m te wè yon kolòn limyè ki te egzakteman anlè tèt mwen, ki te pi klere pase solèy la, epi ki te desann tikras pa tikras jistan l te tonbe sou mwen.
”Sa pa t pran anpil tan pou m te wè m delivre anba ènmi ki te mare m nan. Lè limyè a te repoze sou mwen, m te wè de pèsonaj, ekla yo ak laglwa yo te depase tout deskripsyon, ki te kanpe sispandi anlè devan mwen. Youn ladan yo te pale avèk mwen, li te site non mwen, epi l te di, pandan l te lonje dwèt li sou lòt la—Se Pitit Gason Byenneme m nan. Koute l!” Joseph Smith—Istwa 1:16–17.
© 2016 Intellectual Reserve, Inc. Tout dwa rezève. Enprime nan Etazini Damerik. Apwobasyon Anglè: 6/15. Apwobasyon Tradiksyon: 6/15. Tradiksyon Visiting Teaching Message, April 2016. Haitian Creole 12864 036
Panse Sou Sa
Kòman konesans ke ou se pitit yon fi Bondye a afekte desizyon w yo?