2016
Tuhlihk Muhtwacn nuhtin Pahpah Ma Pahtpaht Tuhmasr
April 2016

Pweng ke Forfor Luti, Eprel 2016

Tuhlihk Muhtwacn nuhtin Pahpah Ma Pahtpaht Tuhmasr

Pruhe ke kom lutlutkihn kuhfa inge ac suk in etuh lah meac kom ac akacsruhi kac. In kahlwem ke “Sucu: Sie Mwe Fahkwack nuh fin Facluh” ac ahkyohkye fuhkah luhlahlfongi lom ke God ac ahkinsewowoye mwet kom karihngihn ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Petsac
Akucl luhn Rilif Sosaiti

Luhlahlfongi, Sucu, Kahsruh

Ma suhmuhslah uh luti kuht lah “kut tulik nutin God” (Acts 17:29). God El fahk nuh sel Emma Smith, muhtwacn kiyacl Mwet Pahluh Joseph Smith, oacna tuhlihk muhtwacn nuhtihk (liye D&C 25:1). Mwe fahkwack luhn sucu luti kuht lah kais sie sesr “sie tuhlihk muhtwacn … nguhn sacohk nuhtin ninac ac pahpah inkuhsrao uh.”1

“Ke [moul se met liki] facl se inge ah, kuht lotwelah ke atac ne tok ma pahtpaht luhn muhtwacn uh,” fwackyuck sel Carole M. Stephens, mwet kahsruh se met ke prestuhnsi luhlahp luhn Rilif Sosaiti.

“Fuhfahsryucsr in mahno lasr nuh facluh tiacna ekuhllah ma pwacye ingacn.”2

Pahpah tomowos Inkuhsrao El etuh inem ac etuh ma kom oasr kac,” fwackyuck sel Elder Jeffrey R. Holland ke U Luhn Mwet Sap Singucul Luo ah. “El lohng pruhe lom uh. El etuh finsrak ac mwemwe lom, weacng sahngweng ac fohs lom uh.”3

“Kais sie sesr ma luhn ac enenweyuck nuh ke sucu luhn God,” Tahmtahel Stephens el fahk. “Sucu fin facluh uh tiacna oacna sie. Ac ke pacl kuht kampare in orwaclah sie akwuck kuh ke sucu, mempucr ke sucu luhn God uh ac tiacna wiwina ma sikyak—ke pahyuck, akwuck luhn ninac ac pahpah, ma sikyak ke mani, ma sikyak fin facluh, kuh finne kain in ma sikyak ma sihmlac ke mwe fwackyuck fin facluh uh.”4

Ma Suhmuhslah Sahyac

Jeremiah 1:5; Romans 8:16; Doctrine and Covenants 76:23–24

Ke Sramsram Mahtuh Lasr

Ke ma suhmuhslah lal ke Ararama Se Met ah,5 Mwet Pahluh Joseph Smith el ahkkahlwemye ke ma pwacye pucspucs—weacng lah Pahpah tuhmasr Inkuhsrao El etuh inesr.

Mwet Fuhsr Joseph el tihkuclkucl in etuh lah piac kac alu in wi ac konwacack kolyuck lun James 1:5. Joseph el ahksahfye in siyuck sin God.

Ke sie lotutacng ke spring in 1820, el som nuh ke inimac uh in pruhe tuh sana in kohsrkohsrlah ke kuhtuh kuh luhn lohsr uh. El suhmuhslah ke ma se inge:

“Ke pacl se pacna inge ke sahngweng yohk, nga liye soko koan kahlwem lucng likih fin sifuck, kahlwem likina kahlwem luhn faht uh, suc kais kuhtuhna puhtati nekena puhtati nuh fuck.

“In pacl se na ma inge sikyak ah, nga puhla lah nga fihlfihllac liki mwet lokoalok se ma kapriyucwi ac. Ke kahlwem sac srweyucwi ac nga liye Mwet luo, suc kahlwemiyac ac wolacnaiyac ah ahluhkwelah ma kuh in ahkuhtweyucki kac uh, tulac lucng likiyuc ke yen engyeng uh. Sie selos sramsram nuh sihk, pahngon inek ac fahk, srihsrngiyac mwet se sahyac ah—Pa inge Wen Kuloh Nuhtihk. Porongwacl!” (liye Joseph Smith—History 1:16–17).

© 2016 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/15. Ahkkweyeyucklac ke lweng: 6/15. Lwenglah luhn Visiting Teaching Message, April 2016. Kosraean. 12864 868

Mwe kahsruh

  1. “Sucu: Sie Mwe Fahkwack nuh fin Facluh,” Liahona, Nohfuhmpuh 2010, 129.

  2. Carole M. Stephens, “Sucu uh Ma sin God,”Liahona, Mei 2015, 11.

  3. Jeffrey R. Holland, “To Young Women,” Liahona, Nov. 2005, 28.

  4. Carole M. Stephens, “Sucu uh Ma sin God,” 11.

  5. Liye Gospel Topics, “First Vision Accounts.” topics.lds.org.

Nuhnkuh Ma Se Inge

In etuh lah kom sie tuhlihk muhtwacn nuhtin God kahsruh sulaclah lowos an fuhkah?

Print