Messaġġ tal-Għalliema taż-Żjajjar, April 2016
Ulied il-Missier Etern Tagħna
Bl-għajnuna tat-talb studja dan il-materjal u fittex sabiex tkun taf x’ għandek taqsam ma’ ħutek. Jekk tifhmu aħjar “Il-Familja: Proklamazzjoni lid-Dinja” kif jista’ dan iwassalkom biex tkabbru l-fidi tagħkom f’ Alla u tbierku lil dawk li intom responsabbli minnhom permezz tat-tagħlim taż-żjajjar? Għal aktar informazzjoni, żuru reliefsociety.lds.org.
Fidi, Familja, Għajnuna
L-iskrittura tgħallimna li “aħna nisel ta’ Alla” (Atti 17:29). Alla rrefera għal Emma Smith, mart il-Profeta Joseph Smith, bħala “binti” (D&C 25:1). Il-proklamazzjoni tal-familja tgħallimna li kull waħda minna hi “bint spirtu … maħbuba ta’ ġenituri tas-smewwiet.”1
“Fir-renju primortali, aħna nitgħallmu dwar l-identità femminili,” qalet Carole M. Stephens, l-ewwel kunsilliera fil-presidenza ġenerali tas-Soċjetà tal-Għajnuna.
“Il-vjaġġ mortali tagħna fid-dinja ma bidilx dawk il-veritajiet.”2
“Missierkom tas-Smewwiet jaf isimkom u jaf iċ-ċirkustanzi li tinsabu fihom,” qal il-Presbiteru Jeffrey R. Holland tal-Kworum tat-Tnax-il Appostlu. “Huwa jisma’ talbkom. Huwa jaf x’ inhuma t-tamiet u x’ inhu l-ħolm tagħkom, fosthom il-biżgħat u l-frustrazzjonijiet tagħkom.”3
“Aħna lkoll nagħmlu parti u aħna meħtieġa fil-familja ta’ Alla,” qalet Sister Stephens. “Il-familji tad-dinja kollha jidhru differenti. U filwaqt li aħna nagħmlu dak kollu li nistgħu biex noħolqu familji b’ saħħithom u tradizzjonali, biex xi ħadd jifforma parti mill-familja ta’ Alla ma jiddependix minn dwar x’inhuwa l-istatus tagħna—l-istatus tagħna bħala miżżewġin, l-istatus tagħna bħala ġenituri, l-istatus finanzjarju tagħna, l-istatus soċjali tagħna jew saħansitra x’ tip ta’ status nuru fuq il-midja soċjali.”4
Skrittura Addizzjonali
Mill-Istorja Tagħna
Fir-rakkont tiegħu tal-Ewwel Viżjoni,5 il-Profeta Joseph Smith ivverifika bosta veritajiet—fosthom li Missierna tas-Smewwiet jafna b’ isimna.
Iż-żagħżugħ Joseph beda jsibha diffiċli jkun jaf ma liema knisja kellu jingħaqad u sab il-gwida f’ Ġakbu 1:5. Joseph ikkonkluda li kellu jistaqsi lil Alla.
F’ għodwa tar-rebbiegħa tas-sena 1820, huwa mar fil-bosk biex jitlob iżda immedjatament inħakem minn ċerta qawwa diabolika. Dwar dan huwa kiteb:
“F’ dak il-mument ta’ biża’ kbir, rajt kolonna ta’ dawl wieqfa eżatt fuq rasi, tiddi aktar mill-qawwa tax-xemx, u bdiet nieżla ’l isfel sakemm niżlet fuqi.
“Ma damx wisq ma deher li jiena kont ġejt meħlus mill-għadu li kien għadu kif ħakimni. Meta d-dawl waqaf madwari jiena rajt żewġ Personaġġi, li d-dija u l-glorja tagħhom ma tistax tiddeskriviha, weqfin fuqi fl-arja. Wieħed minnhom kellimni, sejjaħli b’ ismi u, filwaqt li wera b’ idu lill-ieħor. qal—Dan hu Ibni l-Għażiż. Isimgħu!” (Joseph Smith—History 1:16–17).
© 2016 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/15. Approvazzjoni tat-traduzzjoni: 6/15. Traduzzjoni ta’ Visiting Teaching Message, April 2016. Maltese. 12864 159
Ikkunsidra Dan
L-għarfien li għandek li inti bint Alla kif jaffettwa d-deċiżjonijiet tiegħek?