Pweng sin Prestuhnsi Se Met, Mei 2016
Sulwaclah
Nga finsrak kuht in sulaclah ma suwohs upac ac tiac ma koluk fihsracsr.
Tamuhlwel ac tahmtahel, met liki nga muhtwacack pweng luhk mihsenge, nga ke tuhkahkihn lah oasr tempuhl sasuc ahkosr, ma ac fah tuhkuh ke mahlwem ac yac fahsruh, ac fah muhsahiyuckyak ke acn inge: Quito, Ecuador; Harare, Zimbabwe; Belém, Brazil; ac sie tempuhl ahkluo fin acn Lima, Peru.
Ke nga wi mempucr ke U luhn Mwet Sap Singucul Luo ke yac 1963 ah, oasr tempuhl 12 orekmakihnyuck ke Alu uh nohfohn. Ke kihsackuhnlah luhn Provo City Center Tempuhl wik luo tari ah, ingena oasr tempuhl 150 ma orekmakihnyuck fin facluh. Kuht arulacna tarilacna ke mwe insewowo kuht eis ke lohm muhtahl inge.
Ingena, tamuhlwel ac tahmtahel, nga ke ahkkahlwemye tarilacna luhk ke pacl wo inge in akacsruhi kuhtuh ma yuruwos olutu.
Pacl fototo tari ah nga nuhnkuh ke sulaclah. Fwack tari lah ma sikyak srihk kuh in eklac ma yohk, ac moul luhn mwet uh pac. Sulaclah kuht orwaclah uh nuhnuhnkwaclah sahflah lasr uh.
Ke kuht som liki moul lasr met liki kuht tuhkuh nuh facluh ac muhtwacwacack moul se inge, kuht us yohrohsr mwe sang luhn sukohsohk in sulaclah. Finsrak lasr pa in eis wolacna celestial, ac sulaclah ma kuht oruh, ke ip yohk, ahkfalye kuht fin sun kuh tiac sun finsrak lasr.
Inkaiyowos esam Alice ke puk mahtuh lal Lewis Carroll ma pahngpahng Alice’s Adventures in Wonderland. Kowos ac esam ke el tuhkuh nuh ke inkacnek lukwac, kais sie som loeslac tuh nuh ke acn sienna. Ke el motko ke inkacnek in fahsr kac, el ohsun nuh sin Kihsrihk Ngaho Cheshire, suc Alice el siyuck, “Oyac inkacnek nga enenuh in ukwe uh?”
Kihsrihk soko ah topuk, “Ma sacn wiwina acn se kowos kena som nuh we an. Kom fin nihkihn acn se kom kena som nuh we an, tiac yohk srihpac inkacnek soko kom sulaclah an.”1
Tiac oacna Alice, kuht etuh acn se kuht kena som nuh we uh, ac yohk srihpac inkacnek kuht fahsr kac, mweyen inkacnek kuht ukwe ke moul se inge kol kuht nuh ke acn luhn moul fahsruh.
Lwelah kuht in sulaclah in muhsaheack lun insiacsr sifacna sie luhlahlfongi yohk ac fokoko tuh kuht in lain ma nuh kwewa luhn mwet lokoalok uh—luhlahlfongi pwacye se, kain luhlahlfongi ma kuh in karihngihn kuht ac fah ahkyohkye kena lasr in sulaclah ma pwacye. Fin wacngihn luhlahlfongi an, kuht koflah som nuh ke kuhtwena acn. Fin oasr luhlahlfongi an, kuht kuh in ahkfalye finsrak lasr.
Tuh ma pwacye lah yohk srihpac kuh oruh sulaclah lahlmwetmwet, oasr pacl kuht oruh sulaclah lahlfon. Mwe sang luhn auliyak, ma sin Mwet Lahngo lasr, lwelah kuht in ahksuwohsye moul lasr, kuht in muh kuh in fohlohk nuh ke inkacnek ma kol kuht nuh ke wolacna celestial ma kuht suk.
Nga finsrak kuht in kalweni puhlaik in tiac ukwe mwet sahyac. Nga finsrak kuht in sulaclah ma suwohs upac ac tiac ma koluk fihsrwacsr.
Ke kuht motko ke sulaclah kuht oruh ke moul lasr lwen nuh kwewa—in oruh sulaclah se inge kuh sulaclah se ingoh—kuht fin sulaclah Kraist, kuht oruh sulaclah pwacye tari.
Ma inge pa pruhe puhsisacl ke insiyuck pwacye ke inen Jisus Kraist, Leum ac Mwet Lahngo lasr, amen.
© 2016 by Intellectual Reserve, Inc. All rights reserved. Sihmlac fin acn USA. Ahkkweyeyucklac ke kahs English: 6/15. Ahkkweyeyucklac ke lweng: 6/15. Lwenglah luhn First Presidency Message, May 2016. Kosraean. 12865 868