Klumech er a First Presidency, Ongeim el buil 2016
Omelilt
A kuureng me dolilt ra meringel lungil, e lak dolit er sel beot el mekngit.
Rodam ma rodos, uchei ra kumuchel ra cheldechedechak er a chelechal sils, eng soak louchais a kleuang el beches el templo el ngii, aikal merael mei el buil ma rak, eng mo dechor ra ikakid el basio: Quito, Ecuador; Harare, Zimbabwe; Belém, Brazil; ma ongerung el templo er a Lima, Peru.
Sera bok chedal a Chelechad ra Teruich ma terung el Apostol er sera 1963, eng di mle 12 el templo a ngarngii ra Ikelesia. Sera le moterkokl a Provo City Temple ra erul sandei ra memong, e chelechang ngarngii a 150 el templo ra beluuelchad el rokir. Ng kired el mereng a saul ra klengeltengat el dengai ra ikal chedaol basio.
Chelechang, e rodam ma rodos, eng soak el mo ochotii omereng el saul ma techall el bo kungedecheduch er kemiu er chelechal tutau a bebil ra ngara uldesuek.
Ak meketeketang lomdasou ra tekoi el melilt. Te kmo a mekekerei el tekoi a sebechel ngarngii a kmo ngera el klou el relii, ma klengar ra rechad meng uaisei. A ikel dolilt el meruul a dmedesii a rael dokiu er ngii.
Sera demei ra beluulechad, e kid a ulebang sel sengk el di kid el melilt. A moktek er kid a mo nguu a ngarbab el klebkall, ea ikel dolilt el meruul a kmal klou a relii el kirel tial moktek er kid el kmo kede mo nguu malechub eng diak.
Betok er kemiu a medengelii sel cheldechedechal a Alice ra Lewis Carroll el Alice Adventures in Wonderland. } Ko medengei el kmo ng mlei ra metengal a rael el teblong el rael a ngar medal, el kemanget e kakerous a lorael morngii. Sera lomdasou el uase ngera ra ikal rael a lenguu, e a Cheshire el Katuu a dilum, ma Alice a uleker, “Ngera el rael a bo kukiu ngii?”
A katuu a ulenger, “Ng di iior el kmo ng soam el mor. Alsekum eng diak modengei el kmo ke mor ker eng diak a belkul a omnguu a tara ikal rael.”1
Ng diak de uaia Alice, e kid a medengei el kmo kede morker, ng meral el klou a belkul sel de borngii, le rael dorael er ngii er tial klengar a ngoikid el mor sel tara klengar.
Bo dolilt el toketekii er kid a mesisiich el klaumerang el ngii a mo mesebechakl er kid ra ongetikaik ra cherarou—el meral klaumerang, sel klaumerang el ngii a sobecheklid e melisiich er a rengud el mo melilt ra ungil. A lak tial klaumerang, eng diak a dorael bedul ker. E a lengarngii, eng sebeched el kudmokl a moktek er kid.
Ng uaisei el kired el mo ungil melilt, eng di ngarngii a taem e kede melilt a mekngit. A sengk ra ouchel reng, el bilskid a Osobel, a ngosukid el ngodechii a roled, mel sebeched el muut el morsel rael el ngoikid el mora ngarbab el klebkellel el dosiik er ngii.
A kuureng me dolemolem el mesisiich e lak doltirakl a beches el uldasou. A kureng me dolilt ra meringel lungil, e lak dolit er sel beot el mekngit.
Sel domdasou a bo dolilt el meruul er a klengar kid ra bek el sils—el melilt el kmong tiakid malechub eng tilechang e a— lsekum e kede melilt ra Kristo, e kede mla ngiltii a ungil.
A renguk ma nglunguchek a kmo bol uaisei el ngara ngklel a Jesus Kristo, el Rubak e Osobel, amen.
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a First Presidency Message, May 2016. Palauan. 12865 881