Etinda ya Bakambi ya Yambo, Sanza ya Motoba 2016
Tata na Biso, Motambwisi na Biso
Na Mokambi Dieter F. Uchtdorf
Mopesi Toli ya Mibale kati na Bokambi ya Yambo
Osi ofungola liboke ya biteni biteni, obwaki pembeni mitindo ya bokangisi, mpe okanisi ete, “Yango ekoki kozala na ntina te mpenza”?
Ntango mingi, atako makanisi na biso malamu mpe bomipesi tozali na yango biso moko, totie mosika mpe totuni, “ezali bongo mpo na nini?” to “Lolenge nini yango ezali ya kobonga?”
Bobangi na biso ekoli lokola tozali kotala na liboke mpe tomoni likomi moko oyo elobi, “Bokangisi esengi—mibu 8 mpe likolo.” Lokola tozali kaka kozanga mayele ya bokangisi, yango ekolendisa bomipesi na biso to bolingo na biso moko te.
Ntango mosusu tozalaka na mayele ya ndenge moko na nsango malamu. Soki totali na eteni moko moko na yango, tokoki kozala na mokakatano ya kososola makambo mpe komitungisa eteni nini ezali mpo na yango. To lokola tozali kotala eteni mosusu, tokoki komona ete atako kutu sima komekaka na makasi kososola mobimba, tokoki komona te mpo na nini eteni wana etiamaki na kati.
Tata na Biso, Motambwisi na Biso
Na esengo mingi, Tata na biso ya Lola apesaki biso ndingisa kitoko mpo na kobongisa bomoi na biso mpe kokomaka malamu lokola tokoki kozala. Malakisi yango ekosala atako mibu na biso to libaku nini tozwami. Apesaki biso nsango malamu mpe Eklezia ya Yesu Klisto. Apesaki biso moango ya bosikoli, moango ya lobiko, lokola na moango ya esengo. Ye atikaki biso biso moko te na kotalaka bozangi elikya to bitumba ya bomoi, kolobaka, “Bokende. Libaku malamu. Sosola yango.”
Soki tokozala motema ya kokita mpe kotala na motema ya komikitisa mpe makanisi ya kofungwama, tokomona ete Nzambe apesi biso bisaleli ebele mpo na kososola malamu bandingisa na ye ya bososoli mpo na esengo na bomoi na biso:
-
Ye apesaki biso likabo ya motuya ya Molimo Mosantu, oyo ezali na likoki ya kozala ya biso moko, molakisi ya lola lokola toyekoli liloba ya Nzambe mpe tomeki komema makanisi na biso mpe makoki na biso na kolandisama na liloba na Ye.
-
Ye apesa biso 24/7 ya nzela na Ye na nzela ya nsambo ya bondimi mpe mabondeli na motema sembo.
-
Ye apesi biso bapostolo mpe baprofeta ya ntango oyo, oyo balakisi liloba ya Nzambe na mikolo na biso mpe bazali na nguya ya kokanga to kokangisa na mabele mpe na lola.
-
Ye azongisaki Eklezia na Ye lisusu—lisanga moko ya bandimi oyo bazali kosala elongo mpo na kosunga moko mpe mosusu lokola bazali kosalela libiki na bango na bobangi, kolengaka mpe esengo ya ndenge moko te.1
-
Ye apesaki biso makomi masantu—liloba na Ye ekomami mpo na biso.
-
Ye apesaki bisaleli ebele koleka ya tekinoloji ya sika kosunga biso na etamboli na biso ya kiboyekoli. Ebele ya bisaleli yango ya kitoko ekoki komonana na LDS.org.
Mpo na nini Tata na biso ya Lola apesaki biso lisungi monene boye? Alingaka biso. Mpe mpo ete, lokola Ye moko alobaki, “Oyo ezali mosala mpe nkembo na ngai—komema boleki ya bozangi kufa mpe bomoi ya seko ya moto.”2
Na maloba mosusu, Tata ya Lola azali Nzambe na biso, mpe Nzambe azali motambwisi na biso.
Tata na biso ya Lola ayebi bosenga ya bana na Ye malamu koleka moto nyonso. Ezali mosala mpe nkembo na Ye kosunga biso na ntango nyonso, kopesaka biso makoki kitoko ya molimo mpe ya mosuni mpo na kosunga biso na nzela na biso ya bozongi epai na Ye.
Tata nyonso azali motambwisi
Na bisika ebele ya mokili, bapapa bazali kopesama lokumu na mabota mpe bikolo na bango na sanza ya Motoba. Ezali ntango nyoso malamu kokumisa mpe kotosa baboti na bango. Batata bazali kosala makambo malamu mpo na mabota na bango mpe bazali na makoki ebele ya kitoko. Ndakisa mibale ya motuya koleka na bantina ya botata na bomoi ya bana na bango ezali oyo ya kozalaka ndakisa mpe motambwisi malamu. Batata bazali kosala mingi koleka koyebisaka bana na bango nini ezali malamu to mabe; bango bazali kosala mingi koleka kopesa bango mikanda mpe kozelaka bango babonga na bomoi bango moko.
Batata batambwisaka bana na bango ya motuya mpe kolakisaka na ndakisa na bango malamu lolenge ya kozala na bomoi ya bosembo. Batata batikaka bana na bango bango moko te kasi bakimaka bango kosalisa bango, kosungaka bango na mikakatano na bango. Mpe bantango mingi ntango mayele esengi, batata bapesaka bana na bango nzela ya kobunda, kososolaka ete yango ekoki kozala nzela malamu mpo na bango koyekola.
Biso Nyonso Tozali Batambwisi
Ntango batata ya mokili bazali kosaala yango mpo na bana na bango moko, molimo ya botambwisi ezali eloko moko tosengeli kopesa na bana nyonso ya Nzambe, kotalaka mobu te, esika to libaku te. Bokundola, bana na Nzambe bazali bandeko na biso ya mibali mpe ya basi; biso nyonso tozali libota moko ya libela.
Na lolenge wana, banso tosengeli tozala batambwisi—kosala na mposa makasi ya kotanda loboko mpe kosunga moko mpe mosusu kokoma biso moko ya malamu koleka. Mpo ete tozali bana na Nzambe, tozali na likoki ya kokoma lokola Ye. Nzambe ya bolingo mpe ndeko na biso, kobombaka mitindo na Nzambe, mpe kolandaka ndakisa ya Klisto bizali nzela ya moke, ya kaka mpe ya esengo ya bozongi na ya liboso ya baboti na biso ya lola.
Soki Nzambe ya molongo azali kokeba makasi mingi mpo na biso ete Ye azali motambwisi moko mpo na biso, ntango mosusu biso mpe tokoki kotanda loboko na bandeko na biso, kotalaka te langi, ekolo, mabaku ya lolenge ya bozui ya libota, nkota, to eyamba. Tika biso tokoma batambwisi bafulami mpe topambola bomoi ya basusu—kaka te mpo na bana na biso moko kasi mpo na bana nyonso ya Nzambe na mokili mobimba.
© 2016 na Intellectual Reserve, Inc. Lotomo nyonso na bakomi. Ebetami na USA. Bondimami na lokota ya Angele: 6/15. Bondimami ya bobongoli: 6/15. Bobongoli ya First Presidency Message, June 2016. Lingala. 12866 639
Koteya uta na Etinda Oyo
Okoki kobanda na kotunaka baoyo ozali koteya kokanisa na ngonga moko ntango Tata ya Lola atambwisaki bango. Okoki sima kosenga bango kokanisa babokokanisi katikati na ntango wana mpe ngonga moko ntango bayokaki batambwisamaki na batata na bango ya mokili. Benga bango bakoma makambo makeseni na lolenge bango batambwisamaki. Okoki kotuna bango bameka kosala eloko bango bakomaki na makasi ya kozala ndakisa ya malamu koleka mpo na basusu.