Etop Ndikise Iban eke Ofiong Itiokiet, ke isua 2016
Mme Edinam ye Ediomo eke Temple
Bong akam kpeb nkpo emi ndien yom ndidiongo se ekpebuanade. Didie ke ndifiok Ufokemana, Etop emi enode Ererimbot, edi-nam mbuotidem mbufo ke Abasi okori onyung odiong mbon owo emi mbufo esede enyin oto ke ndikise iban? Ke oyomde ndifiok awak, ka ke reliefsociety.lds.org.
Mbuotidem, Ufokemana, Unwam
Kpukpru mme edinam eke edinamde inyene erinyanga-ukpong ye nkori ke ndaha-ubong asanga ke mme ediomo ye Abasi. Linda K. Burton akwa ada-ibuot eke Nka iban eketing ete ke, Ndinam nnyung nim ediomo oworo ndimek ndidian idem ye Ete nnyin ke Enyong ye Jesus Christ.1
Elder Neil L. Andersen eke Eboho mme Apostle Duopeba eting ete, Jehovah odoho ete, Ke mme edinam iko Abasi … ke odudu Abasi oworo owut idem.
“Mme sanga-sanga edidiong eketode Abasi odu ono ofuri owo se-idot eke anade baptism, obode Edisana Spirit, onyung adiade udia-Obong ke ofuri ini.”2
“Elder Russell M. Nelson eke Eboho mme Apostle Duopeba eketing ete, Ini emi irenowo ye iban ekade temple, mmo mbiba ebo edidiong ndinyene ukem odudu, emi edide odudu itie-oku …
“…Ofuri irenowo ye ofuri iban enyene-usung ndibo odudu emi nda nnwam uwem mmo. Kpukpru mmo emi ema ekenam ndisana ediomo ye Abasi enyung enim mme ediomo oro enyene unen ndibo eriyarare nno idem-mmo, man ebo edidiong ke ndisobo ye mme angel, man eneme-nneme ye Abasi, man ebo oyoho iko Abasi, ndien, ke akpatre, man ekabare ediana ye Jesus Christ edi mme adiakpa ke kpukru nkpo se Ete enyenede.”3
Mme Itie Nwed Abasi Efen
1 Nephi Ita 14:14; Doctrine ye Covenants 25:13; 97:8; 109:22
Mbuk Akpaniko
Ke isua 2007, ke usen inang tongo nte akamba unyeng-isong eke idung Peru ekebe, Elder Marcus B. Nash eke Seventy ama osobo ye branch president Wenceslao Conde ye Pamela, nnwan-ndo esie. Elder Nash ama obup Sister Conde nte idem ndito esie eketiede. Ye inua-imam, enye okoboro ete ke ntak mfon Abasi ke kpukpru ndito esie edu ke ifure ye nsong-idem. Enye ama obup abanga obobop-ufok eke mme Conde.
Enye sung-sung oboro ete, Iduhe aba.
… Ndien ke ofuri emi, Elder Nash odoho ete, afo ke asasak-imam ke nte nnyin inemede-nneme.
Enye oboro ete, Ihn, Ami mma mbong akam ndien ami ndu ke emem. Nnyin imenyene ofuri se nnyin iyomde. Nnyin imenyene kiet eken, nnyin imenyene ndito nnyin, nnyin ima idiana-otokiet ke temple, nnyin imenyene eti-inem ufok Abasi, ndien nnyin imenyene Abasi. Ye unwam Abasi nnyin imekeme ndifiak mbop ufok. …
“Nso ke ndinam nnyung nim ediomo ye Abasi oworo emi onode nnyin odudu ndisasak-imam ke ini ukut, man ikabare ndutoho isin ke idara … ?”
“Abasi edi ntak. Usung nnyin ndibo odudu oro oto ke mme ediomo nnyin ye Enye.”4
© 2016 eketode Intellectual Reserve Inc.Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/15. Enyime edikabarel: 6/15. Edikabare Etop eke Visiting Teaching Message, June 2016. Efik. 12866 553
Kere banga Emi
Didie ke mme edinam ye ediomo eke temple ono nnyin nsongo-nda ye odudu?