2016
Temple Ayɛdze na Ahyɛmudzi
Obirade 2016

Visiting Teaching Amandzɛɛbɔ, Obiradzi 2016

Temple Ayɛdze na Ahyɛmudzi

Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse “Ebusua no: Dawurbɔ ma Wiadze ” no ase no besi dɛn ato wo gyedzi mu wɔ Nyankopɔn mu na oehyira hɔn a enam visiting teaching do ehwɛ hɔn do no? Ho nsɛm mbordo no, kɔ reliefsociety.lds.org.

Gyedzi, Ebusua, Mboa

Mfonyin
Relief Society Ahyɛnsewdze

Ayɛdze horow a ohia ma nkwagye na nkwagye ntowdo no nyina no, ahyɛmudzi a yɛnye Nyame ayɛ kã ho. Linda K. Burton, wiadze mfɛndzanan Relief Society president no kãa dɛ yɛreyɛ na yɛresie ahyɛmudzi kyerɛ dɛ yɛsan mu yi dɛ yɛbɛkyekyer hɛnho ama hɛn Egya a ɔwɔ Sor1

Elder Neil L. Andersen a ɔkã Asomafo Duebien no hɔn Quorum ho no kãa dɛ, “Ewuradze ase dɛ, ‘Wɔ Ayɛdze yi mu … nyamesu mu tum no da edzi.’

“Nhyira soronko horow fi Nyame hɔ ba obiara a odzi mu a oenuma no, ɔagye Sunsum Krɔnkrɔn no, na ɔtaa dzi sacrament no”2

Elder M. Russell Ballard a ɔkã Asomafo Duebien no hɔn Quorum ho kãa dɛ, “Sɛ mbanyin na mbaa kɔ temple a, tum kor noara na wɔdze hyira hɔn, a ɔno nye asɔfodzi tum no …

“… Mbanyin na mbaa nyina wɔ tum yi ho kwan ma wɔaboa hɔn wɔ hɔn abrabɔ mu. Hɔn a wɔnye Ewuradze eedzi ahyɛmudzi krɔnkrɔn no na wodzi hɔn ahyɛmudzi nyi no, fata dɛ wonya ankorankor nyikyerɛ, abɔfo som ho nhyira, wɔnye Nyame kasa, wonya asɛmpa ne mãhyɛ, na, ewiei no, wɔnye Jesus Christ bɛyɛ adzidzifo wɔ dza hɛn Egya wɔ nyina mu.”3

Kyerɛwsɛm a Ɔkã ho

1 Nephi 14:14; Nkyerɛkyerɛ na Ahyɛmudzi 25:13; 97:8; 109:22

Atseasefo ho Nsɛm

Afe 2007 mu no, nda anan ekyir a asaase wosow kɛse bi sii wɔ Peru no, Elder Marcus B. Nash a ɔkã Eduosuon ho no nye nkorbata president Wenceslao Conde na ne yer Pamela hyiae. Elder Nash bisaa Akyerɛbaa Conde mbofra no hɔn mpɔw mu. Ɔyerɛw n’ano dze buaa dɛ ɔnam Nyame ne papayɛ ntsi hɔn nyina hɔn ho ye dwudwoodwo. Obisaa faa Condefo no hɔn fie ho.

“‘Ɔkɔ,’ ɔkãa no tsiabaa ara.

“… ’Naaso,’ Elder Nash hyɛɛ no nsew, ‘yɛrekasa yi ayɛrɛw w’ano.’

Ɔkãa dɛ, “’Nyew,’ ‘Maabɔ mpaa na mowɔ asomdwee mu. Yɛwɔ dza yehia nyina. Yɛwɔ ha, hɛn mba wɔ ha, wɔasɔw hɛn ano wɔ temple, yɛwɔ Asɔr nwanwa yi, na yɛwɔ Ewuradze. Yedze Ewuradze no mboa botum esi no bio …

“Ebɛnadze na ɔwɔ ereyɛ na eresie ahyɛmudzi a enye Nyame ayɛ mu no ɔma hɛn tum ma yɛyerɛw hɛn ano dua ahokyer mber mu, na yɛdan abɛbrɛsɛ ma ɔyɛ konyimdzi … ?”

“Ne fibea nye Nyame “Hɛn ahyɛmudzi a yɛnye No dzi no na ɔma hɛn kwan wɔ dɛm tum no ho.”4

© 2016 Intellectual Reserve, Inc. Wɔakora ho tumdzi nyina. USA na wotsintsimii. Visiting Teaching Message, June 2016 ne nkyerɛasee. Fante. 12866 502.

Nsɛnsin

  1. Linda K. Burton, “The Power, Joy, and Love of Covenant Keeping,” Liahona, Ɔberɛfɛw 2013, 111.

  2. Neil L. Andersen, “Power in the Priesthood,” Liahona, Ɔberɛfɛw 2013, 92.

  3. M. Russell Ballard, “Men and Women in the Work of the Lord,” Liahona, Ebɔbira 2014, 48–49.

  4. Hwɛ D. Todd Christofferson, “The Power of Covenants,” Liahona, Esusow Aketseaba 2009, 19, 20–21.

Susu Iyi Ho

Temple ayɛdze na ahyɛmudzi si dɛn ma hɛn ahoɔdzen na ɔma hɛn tum?

Tsintsim