Te Rongorongo ibukin te Reirei ni KakawarT, Tuun 2016
Otenanti ao Berita aika tabu n te tembora
Tataromwaaka ni kamatebwaia te bwai n reirei aei ao n ukoria bwa ko aonga n ataia bwa tera ae ko na tibwaia. E kanga otam n “Te Utu: Te Katanoata nakon te Aonaaba” e karikirakea am onimaki iroun te Atua ao ni kakabwaiaiia naake ko tararuaia rinanon te kakawari n reirei? Ibukin rongorongona riki tabeua, nakon te reliefsociety.lds.org.
Ni kabane otenanti aika riai ibukin te kamaiuaki ao te karietataaki a raonaki n taian berita aika tabu ma te Atua. “Karaoan ao kawakinan te berita ae tabu nanona ti rineia ni kabaeira nakon Tamara are i Karawa ao Iesu Kristo,” e taku Linda K. Burton, te Beretitenti ni Kabuta n te Bootaki n Aine.1
Unimwane Neil L. Andersen man te Kooram n Abotoro n te Tengaun ma Uoman e taku, “e taku te Uea, ‘Inanon taian otenanti … e kaotaki mwaakan mimitongin te atua.’
“Iai kakabwaia aika onoti mai iroun te Atua nakoia aomata nako ake a tau ake a bwabetitoaki, man karekea te Tamnei ae Raoiroi, ao ni kana te toa n tainako.”2
“Ngkai mwane ao aine a nakon te tembora,” e taku Unimwane M. Russell Ballard man te Kooram n Abotoro n te Tengaun ma Uoman, “a uaia n entaute n te mwaaka ae ti te arona, are mwaakan te nakoanibonga …
“… Ni kabane mwane ao aine a kona ni karekea te mwaaka aio ni ibuobuoki inanon maiuia. Ni kabane ake a tia ni karaoi berita aika tabu ma te Uea ao a karinei berita akanne a kona ni karekei kaotioti mai karawa, ni kakabwaiaki man aia ibuobuoki anera, ni mwakuri ao n tibwai aia bwai ma te Atua, ni karekea bwaninin te euangkerio, ao n tokina, n riki bwa taan bwaibwai irarikin Iesu Kristo n ana bwai Tamara are i Karawa.”3
Rakan riki Booki aika Tabu
Karakinaia n Taai Aikai
Inanon 2007, aua te bong imwiin te mwaiei ae korakora i Peru, Unimwane Marcus B. Nash man te Itingaun e kaitibo ma beretitenti Wenceslao Conde ma kainnabana, Pamela. “Unimwane Nash e titirakina Titita Conde bwa a uara natina. Ma te moangare, e kaeka bwa rinanon ana nanoanga te Atua a bane ni marurung man kawakinaki. E titiraki ibukin mweengan Condes.
“‘Ai akea,’ e taetae ma te raunnano.
“… Ao n anne,’ Unimwane Nash e kaeka, ‘ai bon te momoangare iroum ngkai ti taetae.’
“‘Eng,’ e taku, ‘I a tia n tataro ao e a rau nanou. A bane n reke bwaai aika ti kainnanoi. Iai naake ti kainnanoia, iai natira, ti kabaeaki n te tembora, iai te Ekaretia ae tamaroa, ao iai te Uea. Ti kona ni manga kateitei ma ana ibuobuoki te Uea.’ …
“Tera aron karaoan ao kawakinan te berita ae tabu ma te Atua are e anganiira te kona ni moangare rinanon te kanganga, ni bitia nakon te tokanikai … ?”
“Oina bon te Atua. Rokora n te mwaneka anne bon rinanon ara berita aika tabu ma Ngaia.”4
© 2016 iroun Interllectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/15. Kariaiakaki rairana: 6/15. Rairan te Visiting Teaching Message, June 2016. Kiribati. 12866 859
Iangoa Aio
A kanga otenanti n te tembora ao berita aika atabu ni kakorakoraira ao n anganiira te mweengaraoi?