ຂ່າວສານການຢ້ຽມສອນ, ເດືອນມິຖຸນາ 2016
ພິທີການ ແລະ ພັນທະສັນຍາຂອງພຣະວິຫານ
ໃຫ້ສຶກສາຂ່າວສານນີ້ດ້ວຍການອະທິຖານ ແລະ ສະແຫວງຫາເພື່ອຈະໄດ້ຮູ້ຈັກສິ່ງທີ່ຄວນແບ່ງປັນ. ການເຂົ້າໃຈໃບ “ຄອບຄົວ: ການປະກາດຕໍ່ໂລກ” ເພີ່ມສັດທາຂອງທ່ານໃນພຣະເຈົ້າ ແລະ ເປັນພອນໃຫ້ແກ່ຄົນທີ່ທ່ານດູແລ ຜ່ານການຢ້ຽມສອນ ໄດ້ແນວໃດ? ສຳລັບລາຍລະອຽດເພີ່ມເຕີມ, ໃຫ້ເປີດເບິ່ງທີ່ reliefsociety.lds.org.
ສັດທາ, ຄອບຄົວ, ສົງເຄາະ
ພິທີການທີ່ຈຳເປັນທັງໝົດ ສຳລັບຄວາມລອດ ແລະ ຄວາມສູງສົ່ງ ແມ່ນຄຽງຄູ່ໄປກັບການເຮັດພັນທະສັນຍານຳພຣະເຈົ້າ. “ການເຮັດ ແລະ ການຮັກສາພັນທະສັນຍາ ໝາຍເຖິງ ການເລືອກທີ່ຈະຜູກມັດຕົວເຮົາເອງເຂົ້າກັບພຣະບິດາຜູ້ສະຖິດຢູ່ໃນສະຫວັນຂອງເຮົາ ແລະ ພຣະເຢຊູຄຣິດ,” ລິນດາ ເຄ ເບີຕັນ, ປະທານສະມາຄົມສະຕີສົງເຄາະສາມັນ ໄດ້ກ່າວ.1
ແອວເດີ ນຽວ ແອວ ແອນເດີເຊັນ ແຫ່ງກຸ່ມອັກຄະສາວົກສິບສອງ ໄດ້ກ່າວວ່າ, “ພຣະຜູ້ເປັນເຈົ້າໄດ້ກ່າວວ່າ, ‘ໃນພິທີການ … ອຳນາດແຫ່ງຄວາມເປັນເໝືອນພຣະເຈົ້າ ໄດ້ຖືກສະແດງໃຫ້ປະຈັກ.’
“ມີພອນພິເສດຈາກພຣະເຈົ້າ ສຳລັບທຸກຄົນທີ່ມີຄ່າຄວນ ຜູ້ໄດ້ຮັບບັບຕິສະມາ, ຮັບເອົາພຣະວິນຍານບໍລິສຸດ, ແລະ ຮັບສ່ວນສິນລະລຶກເປັນປະຈຳ.”2
“ເມື່ອຊາຍ ແລະ ຍິງ ໄປພຣະວິຫານ,” ແອວເດີ ເອັມ ຣະໂຊ ບາເລີດ ແຫ່ງກຸ່ມອັກຄະສາວົກສິບສອງ ໄດ້ກ່າວ, “ເຂົາເຈົ້າທັງສອງໄດ້ຮັບອຳນາດຢ່າງດຽວກັນນັ້ນ, ຊຶ່ງເປັນອຳນາດຂອງຖານະປະໂລຫິດ …
“… ຊາຍ ແລະ ຍິງ ທຸກຄົນສາມາດໄດ້ຮັບອຳນາດນີ້ ເພື່ອຊ່ວຍເຫລືອໃນຊີວິດຂອງເຂົາເຈົ້າ. ທຸກຄົນທີ່ໄດ້ເຮັດພັນທະສັນຍາທີ່ສັກສິດນຳພຣະຜູ້ເປັນເຈົ້າ ແລະ ຜູ້ທີ່ຮັກສາພັນທະສັນຍາ ສາມາດໄດ້ຮັບການເປີດເຜີຍສ່ວນຕົວ, ຮັບພອນໂດຍການປະຕິບັດຂອງເຫລົ່າທູດ, ສື່ສານກັບພຣະເຈົ້າ, ຮັບຄວາມສົມບູນຂອງພຣະກິດຕິຄຸນ, ແລະ ໃນທີ່ສຸດ, ກາຍເປັນຜູ້ໜຶ່ງທີ່ໄດ້ຮັບມູນມໍລະດົກຮ່ວມກັບພຣະເຢຊູຄຣິດ ໃນທຸກສິ່ງທີ່ພຣະບິດາຂອງເຮົາມີ.”3
ຂໍ້ພຣະຄຳພີເພີ່ມເຕີມ
ເລື່ອງຈິງໃນຊີວິດ
ໃນປີ 2007, ສີ່ມື້ຫລັງຈາກແຜ່ນດິນໄຫວຢ່າງຮ້າຍແຮງຢູ່ປະເທດເປຣູ, ແອວເດີ ມາກັສ ບີ ແນຊ໌ ແຫ່ງສາວົກເຈັດສິບ ໄດ້ໄປພົບກັບປະທານສາຂາ ເວັນເຊສ໌ລາວ ຄອນເດ ແລະ ພາເມລາ ພັນລະຍາຂອງເພິ່ນ. “ແອວເດີ ແນຊ໌ ໄດ້ຖາມຊິດສະເຕີ ຄອນເດ ກ່ຽວກັບລູກນ້ອຍໆຂອງນາງ. ດ້ວຍຮອຍຍິ້ມ, ນາງໄດ້ຕອບວ່າ ຜ່ານຄຸນງາມຄວາມດີຂອງພຣະເຈົ້າ ລູກຂອງນາງທຸກຄົນໄດ້ປອດໄພ ແລະ ສະບາຍດີ. ເພິ່ນໄດ້ຖາມກ່ຽວກັບເຮືອນຂອງຄອບຄົວຄອນເດ.
“‘ມັນພັງໝົດແລ້ວ,’ ນາງພຽງຕອບເທົ່ານັ້ນ.
“… ‘ແຕ່,’ ແອວເດີ ແນຊ໌ ໄດ້ສັງເກດ, ‘ເຈົ້າຍັງຍິ້ມອອກມາໄດ້ ເວລາພວກເຮົາເວົ້າລົມນຳກັນ.’
“‘ແມ່ນແລ້ວ,’ ນາງໄດ້ເວົ້າ, ‘ຂ້ານ້ອຍໄດ້ອະທິຖານ ແລະ ຂ້ານ້ອຍມີຄວາມສັນຕິສຸກ. ພວກຂ້ານ້ອຍມີທຸກສິ່ງທີ່ຕ້ອງການ. ພວກຂ້ານ້ອຍມີກັນແລະກັນ, ພວກຂ້ານ້ອຍມີລູກຢູ່ນຳ, ພວກຂ້ານ້ອຍໄດ້ຜະນຶກເຂົ້ານຳກັນຢູ່ໃນພຣະວິຫານ, ພວກຂ້ານ້ອຍມີສາດສະໜາຈັກທີ່ດີເລີດນີ້, ແລະ ພວກຂ້ານ້ອຍມີພຣະຜູ້ເປັນເຈົ້າ. ພວກຂ້ານ້ອຍສາມາດສ້າງເຮືອນໃໝ່ໄດ້ ດ້ວຍຄວາມຊ່ວຍເຫລືອຂອງພຣະຜູ້ເປັນເຈົ້າ.’ …
“ການເຮັດ ແລະ ການຮັກສາພັນທະສັນຍານຳພຣະເຈົ້າ ຊ່ວຍເຮົາໃຫ້ມີພະລັງທີ່ຈະຍິ້ມອອກມາໄດ້ ໃນເວລາທີ່ມີຄວາມລຳບາກ, ທີ່ຈະປ່ຽນຄວາມລຳບາກຍາກແຄ້ນ ໃຫ້ເປັນ ໄຊຊະນະໄດ້ແນວໃດ … ?”
“ແຫລ່ງນັ້ນຄື ພຣະເຈົ້າ. ການທີ່ຈະມີອຳນາດນັ້ນ ແມ່ນຜ່ານພັນທະສັນຍາຂອງເຮົານຳພຣະອົງ.”4
© 2016 ໂດຍ Intellectual Reserve, Inc. ສະຫງວນລິຂະສິດທຸກປະການ. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/15. ການແປໄດ້ຮັບອະນຸຍາດ: 6/15. ແປຈາກ Visiting Teaching Message, June 2016. Laotian. 12866 331
ໃຫ້ພິຈາລະນາສິ່ງນີ້
ພິທີການ ແລະ ພັນທະສັນຍາຂອງພຣະວິຫານ ເພີ່ມຄວາມເຂັ້ມແຂງ ແລະ ເປັນພະລັງໃຫ້ເຮົາແນວໃດ?