Shoko reDzidziso yeKushanyirana, Chikumi 2016
Zvisungo neZvibvumirano zveMutemberi
Nemunamato dzidza chinyorwa chino uye wotsvaga kuziva izvo zvekugovera. Kunzwisisa “Mhuri : Chiziviso kuNyika” kunozowedzera sei rutendo rwako muna Mwari nekuropafadza avo vaunotaririra kuburikidza nedzidziso yekushanyirana? Kuwana rumwe ruzivo, enda ku www.reliefsociety.lds.org.
Ruvimbo, Mhuri, Rubatsiro
Zvisungo zvose zvinodikanwa kuitira ruponeso nekusimudzirwa kwepamusoro zvinoenderana nezvibvumirano naMwari. “Kuita nokuchengeta zvibvumirano zvinoreva kusarudza kuzvibatanidza kuna Baba vedu Vokudenga naJesu Kristu,” akadaro Linda K. Burton, mutungamiri mukuru weChita Cherubatsiro.1
Gosa Neil L. Andersen weChikwata cheVaapositora vane Gumi neVaviri akati, “Ishe vakati, ‘Muzvisungo …simba rehumwari rinotaridzwa’
“Kune maropafadzo akakosha anobva kuna Mwari emunhu wese akakodzera anobhabhatidzwa, otambira Mweya Mutsvene, uye nguva dzose otora sakaramende.”2
“Apo varume nevakadzi pavanoenda kutemberi,” vakadaro Gosa M. Russell Ballard veChikwata cheVaapositora vane Gumi neVaviri, “vese vanoropafadzwa nesimba rimwechetero, rinova simba rehupirisita …
“… Varume vose nevakadzi vose vanowana simba iri kuitira kuvabatsira muupenyu hwavo. Vese vakaita zvibvumirano zvinoera naIshe uye vanokudza zvibvumirano izvozvo vane kodzero yokutambira zvakazarurwa zvavo pachavo, kuropafadzwa nengirozi dzinoshumira, kutaurirana naMwari, kutambira kuzara kwevhangeri, uye, pokupedzisira, kuva vagari venhaka pamwepo naJesu Kristu yezvese izvo Baba vedu zvavanazvo.”3
Zvimwe Zvinyorwa Zvitsvene
1 Nifai 14:14 ; Dzidziso and neZvibvumirano 25:13; 97:8; 109:22
Nyaya dzeVanhu Vanorarama Nhasi
Muna 2007, mazuva mana mushure mekudengenyeka kwenyika kukuru muPeru, Gosa Marcus B. Nash veMakumi Manomwe vakasangana nemutungamiri webazi Wenceslao Conde nemudzimai wake, Pamela. “Gosa Nash vakabvunza Sista Conde kuti vana vavo vadiki vakanga vakadii. Nerunyemwerero, vakapindura kuti kuburikidza nerunako rwaMwari vese vakanga vadzivirirwa uye vari kwavo. Vakabvunza nezve musha wavana Condes.
“‘Wakaparara,’ ndizvo chete zvavakapindura.
“… ‘Asi zvakadaro,’ Gosa Nash vakataura, ‘murikunyemwerera patiri kutaura pano.’
“‘Hongu,’ vakadaro Sista Condes, ‘Ndakanamata uye ndinonzwa runyararo. Tine zvese zvatinoda. Tiri pamwechete, tine vana vedu, takasunganidzwa mutemberi, tine Chechi iyi yakanakisisa, uye tina Ishe. Tinokwanisa kuvaka zvakare nerubatsiro rwaIshe.’ …
“Chii pamusoro pekuita nekuchengeta zvibvumirano naMwari chinotipa simba rokunyemwerera nemunhamo, kushandura dambudziko kuriita chikundo…?”
“Zvinobva kuna Mwari. Kuwana kwedu simba iroro kuburikidza nezvibvumirano zvedu naVo.”4
© 2016 Intellectual Reserve, Inc. Ndiyo chete inekodzero dziripamutemo dzekushandiswa kwechinyorwa chino. Chakadhindwa muUSA. Mvumo yeMuchirungu: 6/15. Mvumo yedudziro 6/15. Dudziro Visiting Teaching Message, June 2016. Shona. 12866 731
Funga Izvi
Zvisungo nezvibvumirano zvemutemberi zvinotisimbisa nokutipa simba sei?