Klumech er a Oldingel e Olisechakl, Ongelolem el buil 2016
Chedaol Ureror ma Telbiil
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekerang a klemedengei er a, “Telungalek: Chais el mora Beluulechad” a le choisisii a klaumerang er kau ra Dios e lomekngeltengat er tirka el momes er tir lokiu a oldingel e olisechakl. A lmuut el bebil er a omesodel, e bo er a www.reliefsociety.lds.org.
Klaumerang, Telungalek, Ngeso
A rokui el chedaol ureor el ulsbechall el kirel osebelir a rechad ma ngeiul a ngarbab el klebkall a ulsiseb er ngii a telbiil lobengkel a Dios. “Sel mo soiseb e urekodel a telbiil a belkul a kmo kede melilt el mo rongedid el mora Demad er a Babeluades ma Jesus Kristo,” ng millekoi a Linda K. Burton, el merredel er a cherrengelel a Relief Society.1
A Elder Neil L. Andersen er a Chelechad er a Teruich ma Terung el Apostol a millekoi, “A Rubak a dilu el Kmo, ‘Ngara ikal chedaol ureor … e a klisichel a klechelid a me chemolt.’
“Ngarngii a tokubets el klengeltengat el ngara Dios el mora rebek el klikiid el chad el ngii a mla metecholb, nguu a Chedaol Reng, e blechoel el melai er a chedaol belsoil.”2
“Sel le bora templo a re meklou el chad el sechal ma redil,” ng millekoi a Elder M. Russell Ballard er a Chelechad er a Teruich ma Terung el Apostol, “tir el terung a ngmai a chedaol sengk lokiu a osisiu el klisiich, el ngii a klisichel a priesthood …
“… A rokui el meklou el chad el sechal ma redil a sebechir el ousbech er tial klisiich el mo olngeseu er a klengar er tir. A rokui el chad el mla soiseb er a chedaol telbiil lobengkel a Rubak e mengull aikal telbiil a sebecherir el melai a ocholt el mo er tir, e mo mukngeltengat er a re oldingel el anghel, e mo mengedecheduch el mora Dios, e mo nguu a cherrengelel a ebangkelio, ea, ulebongel, e temo ngmai a daisang lobengkel a Jesus Kristo er a ikel rokui el lolab a Demad.”3
Bebil er a Bades
Meral Cheldecheduch
Sera 2007, eua el klebesei ruriul er sel klou el desiu er a Peru, e a Elder Marcus B. Nash er a Rokeuid a mlo omes er a branch president Wenceslao Conde ma bechil er a, Pamela. “A Elder Nash a uleker er a Sister Conde er a rengelekel el kmo te ua ngerang. Ng mle klikmechur, e ulenger el kmo ngulekiu a klungiolel ra Dios e te selbechakl e diak el kelsakl. Ng uleker el kirel a blil a Condes.
“‘Ng miltemall,’ng di mle beot el melekoi.
“… Eng di kau,’a Elder Nash a miltebengar, ‘a klikmechur er chelecha el de chadecheduch.’
“‘Oi,’ ng millekoi, ‘ak mla meluluuch me ak mla nguu a budech. Ng ngarngii a rokui el ki mousbech. A ki dirk ngartiang, me a rengelekang, e mla merenged er a templo, a ki oba tial kmal ungil el Ikelesia, e oba Rubak. Ng sebechemam el lemuut el omekedechor lokiu a ngeseu er a Rubak.’ …
“Ngera sel ngarngii er a soiseb e urekodel a telbiil lobengkel a Dios el ngii a meskid a klisiiched el mo klikmechur er a chelsel a ringel, e mult a ongarm el mo klisiich … ?”
“Sel lomeskid a ikang Dios. A ngeiul tial klisiich a okiu a telbiled lobengkel.”4
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a Visiting Teaching Message, June 2016. Palauan. 12866 881
Ka Momdasu er Tiang
Ng mekera a chedaol ureor er a templo ma telbiil lolisiich e le beskid a klisiched?