Mulwol ni Ngan Thapeg ni Ngan Nang, June 2016
Pi Gam’ing u Temple nge Pi M’ag
Meybil nge biy’eg fapi babyor mu piry’eg e tin ngam mog. Urogon ni kan nangfan “The Family: A Proclamation to the World”e ra ga’ nang fare mich rom ngak Got nga fapi tawa’ath rok u daken fapi cha’ ni gama guy ko ngiyal’ ko mulwol rom? Ra tin ni gaba a’dag ni ngam nang, man ko www.reliefsociety.lds.org.
Mich, Tabinaew, Ayuw
Gubin fare muruwel e ba tu’uf ni ngan thapag nge exaltation e bay u ta’abang ko fare m’ag ngak Got. “Fal’eg min tay falon e m’ag e be yip fan ni ngan mel’eg ni ngad m’aged gadad ngak e Chitamangdad ni bay u Tharmiy nge Yesus Kristus,” ke yog Linda K. Burton, ko Relief Society general president.1
Elder Neil L. Andersen ko fare Ulung ko fare Ragag nge L’agruwi Apostle, “Fare Somoel e ga’ar, ‘Ulangin fare muruwel … fare gelngin ko n’en nib mangil e ma m’ug.’
“Bay e tawa’ath ku Got ni ma yib ngak gubin e pi cha’ ni kar tawfe gad, thapaeg fare Kan ni Thothup, nge fek kof are sacrament ni gubin ngiyal.”2
“Napa’an e pumo’on nge bpin e yad ra yan nga temple,” ga’ar Elder M. Russel Ballard ko fare Ulung ko fare Ragag nge L’agruwi Apostle, “Yad gubin ma kan yibliy rad ko fare gelngin nib ta’areb ragon, aram fare gelngin e priesthood …
“… Gubin e mo’on nge bpin e rayog ni ngar thapaged e biney e gelngin nifan e ayuw u lane yafos rarad. Gubin ni kar m’aged e pi m’ag ney ngak fare Somoel nge pi cha’en mi yad ma tay fan e pi m’ag nem e rayog ni ngar thapaged fare yi’iy, tawa’ath nag rad ko michib ko fapi angel, ni nar ulul gad ngak Got, ni ngar thapaged fare ga’ngin fare gospel, nge, arame, rayog ni ngar manged fare fak Yesus Kristus ko gubin e Chitamangiy ni bay.”3
Boech e Pithin nib Thothup
Yaat nib Riyul’
Ulangin e 2007, aninged e ran nga tomran ni ke aw ba earthquake nga Peru, Elder Marcus B. Nash ko fare Ragag nge Medlip e mada’ nag branch president Wenceslao Conde nge bpin rok, Pamela. “Elder Nash e fith ngak Sister Conde ko ke uw ragon pi fak row. Nib falfalan’ ngay, me yog ni ufathik falngin’ Got ma kiyad bay nib fel’ ragon rad. Me fith fare tafen e tabinaew rok Condes.
“’Dakuriy,” ni ke fulweg.
“… ‘Nge chiney,’ Elder Nash e fith, ‘gabe saminmin nag napa’an ni gadow be yan u but’.
“‘Aragon,’ ke yog, ‘Kug meybil ma bay e gapas rog. Bay gubin ban’en nib tu’uf romad. Gamad bay romad, ku bay pi fakmad, kug m’aged e taninaew romad u temple, bay e Galasia nib mangil, ma bay fare Somoel romad. Rayog ni kug toyed biyay fa’an ra un fare uyuw ku Somoel ngay.’ …
“Mang e ran’em ni ma yib fa’an ragadad ba tay falean fapi’ m’ag ngak Got ni ma pi’ gelngin dad ni ngad falfalan’ gad u fathik e momaw’, ni ngad feked e tin nib momaw’ min fal’eg nge gel … ?”
“Fare cha’ e Got. Wo’ rodad ko re gelngin nem e be yib u fathik fare m’ag rodad Ngak.”4
© 2016 by Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko Visiting Teaching Message, June 2016. Yapese. 12866 905
Mu Lemnag e Pin’ey
Urogon ni pi gam’ing ko temple nge m’ag rodad e rayog ni nge pi’ gelngindad?