Mwet Fuhsr

Pwacye ke Luhlahlfongi Lalos

Prestuhn Monson el sruhmuhn sramsram soko ke sie sucu payonir na tahfuh puhsracl Prestuhn George Albert Smith: “Yac kowos fah moul pwacye nuh sin mwet mahtuh luhlahlfongi lowos uh? … Insacnweacng in moul nwacsnwacs ke kwewana kihsac [elos] orwaclah nuh sum.” Lah kom ekihn sie payonir in fihl lom kuh fihl se emet ke fihl ke mempucr ke Alu uh, kuh kom liye ke mwe srihkasrak ke luhlahlfongi in mwe kol ac ahkkweye? Pa inge sie inkacnek wo kom kuh in muhtwacwacack kac:

1. Orwaclah sie tahk ke mwet kom luhngse. Elos kuh in mempucr ke sucu lom sifacna (somlah kuh ingena), kawuck, Mwet kol ke Alu uh, kuh mwet lun ma suhmuhslah uh.

2. Suhmuhslah ohiyac lalos ma kom luhngse an. Kuh ninac kiyom ah mongfihsrwacsr na pwacye? Sahp kawuck se lom kuhlwacng nuh sin mwet sahyac. Sahp kom luhngse puhlaik lal Kacptin Moroni ah.

3. Sulaclah sie ohiyac wo ke tahk lom an ac siyuck sum sifacna, “Kuh ngwac kosracni fuhkah ke ma wo se inge? Meac nga enenuh in oruh in ahkyohkye ma se inge ke moul luhk uh?”

4. Suhmuhslah plwacn lom in ahkyohkye ohiyac wo se inge ac fihliyac ke sie acn ma kom ac kwacna liye kac an, in ahkacsmakihnye kom ke mwe finsrak lom an. Pruhe siyuck ke kahsruh luhn Pahpah Lucng ac liye lah fuhkah orwaclah lom an pacl nuhkwewa. Pacl se kom puhlah muh kom ahkfalye fal ke ohiyac wo se inge, kom kuh in sulaclah sie ohiyac wo sasuc ah in oruh kac.

Esam lah ke kuht ahkyohkye ohiyac wolacna lasr sifacna uh, kuht tiac ahkfuhlwactye muhkwena luhlahlfongi luhn mwet mahtuh lasr ac kihsackuhnlah elos oraclah, tuh kuht kuh pac in sang kuh na wo nuh sin elos suc raunikuhtlac.