Iwaad

Nam-akpaniko nno Mbuotidem Mmo

President Monson okono mbuk abanga ufokemana ebemiso kiet ndien eting se President George Albert Smith eketing ete, Nte mbufo eyenam akpaniko eno mbuotidem eke mbon-ubon mbufo? … Domo nwana ndidot ke ntak ofuri nwaidem emi [mmo] ekenamde eno mbufo. Mme ekpedi mbufo emenyene ndaha-ubon ebemiso mme edi akpa-emana-owo ke ufok Abasi, nte mbufo emese mme uwutnkpo mbuotidem eyom ndausung ye osongo? Se emi edi eti usung eke mbufo editongode inam:

1. Siak ibat mme owo eke mbufo emade. Mmo ekeme ndidi mbon ufokemana mbufo (emi ema ekebe mme ekedude ke uwem), mme ufan, adausung ke ufok Abasi, ye mme owo ke nwed Abasi.

2. Wet mme mfonmma-edu emi mmo enyenede eke mbufo emade. Ndi eka mbufo otim enyene ime? Ekeme ndidi ufan mbufo esifon-ido ye mbon efen. Usukini mbufo emema osongo-uko eke Etubom Moroni.

3. Sio kiet kotu ibat mfonmma-edu mbufo yung bup idem mbufo ete, Didie ke ami mkpenyene oruk mfommma-edu emi? Nso ke ami nnyene ndinam man oruk mfonmma-edu emi okori ke uwem mi?

4. Wet mme usung emi mbufo eyomde ndinam oruk mfonmma-edu emi okori ndien nim oro ke-ebiet emi mbufo edikemede ndikut kini-kini, man eti mbufo kabanga ndaha-uduak mbufo. Bong-akam yom unwam eketode Ete ke Enyong yung se ndaha-nkori mbufo ke ofuri-ini. Ini kiet eke mbufo ekereke ete ke mmimo imetim inyene mfonmma-edu emi ekem, mbufo emekeme ndinam utom man enyene mfonmma-edu efen.

Ti ete ke ini nnyin inyenede akamba mfonmma-edu ke idem-nnyin, nnyin idikponoke mbuotidem eke mme etebom nnyin kpot, edi nnyin iyedi eti-osongo ino mbon owo ekedude ekpere nnyin nko.