Etop eke Ndikise Iban, eke Ofiong ltiaba ke isua 2016
Ndaha-nkori Nnyin ke Ndidi ete-ye-eka
Bong akam kpeb nkpo emi ndien yom ndidiongo se ekpebuanade. Didie ke ndifiok Ufokemana, Etop emi enode Ererimbot, edi-nam mbuotidem mbufo ke Abasi okori onyung odiong mbon owo emi mbufo esede enyin oto ke ndikise iban? Ke oyomde ndifiok awak, ka ke reliefsociety.lds.org.
Mbuotidem, Ufokemana, Unwam
Elder Dallin H. Oaks eke Eboho mme Apostles Duopeba ekekpeb ete ke, Edi akpan-nkpo man ndito Abasi eke spirit edimana ke ikpokidem enyung enyene ufang ndikori nkesim nsinsi uwem. “Ke ntak akpatre ufon eke akwa uduak inemesit, ami mmenim nte ke akpatre nkpo-uto ke isong ye ke enyong edi ndito nnyin ye ndito ini-iso nnyin.”1
Elder Neil L. Andersen eke Eboho mme Apostles Duopeba odoho ete ke,
“Nnyin imenim ufokemana ke akpaniko, ndien ke nnyin imenim ndito ke akpaniko. …
… Abasi odoho [Adam ye Eve] ete, Mbufo etot, enyung ewak, enyung eyoho ke isong [Genesis 1:28]. …
“Ndifre enyin mbanga mme ndisik mbet-emi nnim iduhe ke Ufok Abasi Jesus Christ eke mme Ndisana-owo ke Ukpere Edem Ini.”2
Okposuk nte ke idige ofuri nnyin idikabare idi mme ete ye eka ndito ke uwem emi, nnyin imekeme ndikama ndito-owong ke kpukpru isua emana. Nnyin imedara mme edidiong ke ndidi ubak ke ufokemana eke Ete ke Enyong, ndien nnyin ikpeb-ibanga mme idara ye afanikong ke ndidi ubak eke ufokemana eke isong emi. Ndien eke ediwak owo, ndidi ete-ye-eka ke ebebet mmo ke mme ini nsinsi ekedide kiso.
Mme Ndadian Itie Nwed Abasi Efen
Mbuk Akpaniko
Elder Andersen eketing ete ke, Ediwak mme owo ke ererimbot mfin emi eno ikpan-adanga ebanga ufon ke ndinyene ndito ye edino ekikere ete ebiat-ini ye edisuhore ibat ndito se ekpenyene ke ufokemana kiet. Mmi-mmi emi, ndito iban mmi ema ewut mi blog kiet emi owo-Abasi emi edide Eka ndito ition (idige eke ido-ukpono nnyin) ekewetde. Enye ekewet ete, [Ndikori] mkpon ke edu-ukpeb emi edi ata okposong nkpo ke ndi-dorenyin ke nwed Abasi mbanga ndidi eka-ndito. … Ndito isimke ndaha nte ekpekade akamba ufoknwed. Ke akpaniko isimke ndaha nte ekpekade isang ke ererimbot. Isimke ndaha ndiworo anwa ke okoneyo kini mbre mbufo. Isimke ndaha nte ekpesingede-idem ke ebiet-mbre-nsongidem. Isimke ndaha ndinam utom ekededi emi mbufo ekpenyenede mme eke ekpedoride-enyin ndinyene. Ndien enye adian eting ete ke, Ndidi-eka idige nkpo-mbre, nkpo oro edi ikoot. Mbufo isibogho-bo ndito koro mbufo emekut ete ke mmo eye ekan mme idiongo-edififik. Oro idige nkpo eke ekpenamde edieke mbufo edifakde-fak ini eda enam. Oro edi nkpo se Abasi okono mbufo ini ete enam.3
© 2016 I ntellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/16. Enyime edikabarel: 6/16. Edikabare Etop eke Visiting Teaching Message, July 2016. Efik. 12867 553
Kere banga Emi
Ke ewe usung ke ufokemana nnyin eke isong ebiet ufokemana nnyin eke enyong?