Iren Mahsen en Presidensi Keieu, Sulai 2016
Mehlelieng Pwoson en atail Pahpa kahlap ako
Sang President Thomas S. Monson
John Linford sounpar 43 ansou me ih oh ah pwoud, Maria, oh neira pwutak silimen wiadahr arail pilipil me irail pahn mwesel sang imwarailo nan Gravely, England, pwe irail en iang riarail souleng kan seiloak mwail kid samwa kohla nan wahu en Salt Lake Ira mwesel pwiliki neira pwutak kapahmeno, me wiewia doadoahk en misin, netkihla arail dipwsou kan koaros, oh seiloak sang Liverpool iang sohp Thornton.
Arail seiloak nan sed kolahng New York, oh seiloak nansapw kolahng Iowa, wiawi ni meleilei. Kapwal tepida, mwurinte ansou me Linford oh ekei souleng en imwin rahn akan arail seiloakdo pohn Thornton mwesel sangehr kahnihmw en Iowa ni July 15, 1856, kisehn en James G. Willie pwihn de kompani en sahi paisuwedo.
Mesen leng me sakanakan oh arail seiloak pil apwal me karehda tohto tohn kompanio luetalahr me iangahki John. Ohlo inenen soumwahulahr oh luetalahr me karehieng ah pahn iang dake kuruma. Ni ansou me kompanio lel Wyoming, ohlo udahn luluwetala mehlel. Pwihn en sawas sang Salt Lake leledo ni Oakotohpe 21, awa depe mwurinte en John seiloak en mour wet ididi. E mehla nimenseng en rahno karanihte pohn pilap en Sweetwater.
John nsensuedkihla ah netkihla ah nsenamwahu oh kolahng nan kahpwalo, pwilikihdi mehkoaros me mwahu, oh apwal en ah wahla ah peneinei nan Saiono?
E ndahng ah pwoud mwohnte ah pahn mehla “Maria, Soh.” “I perenikihda atail kohdo. I sohte pahn mour lela nan Salt Lake, ahpw kowe oh neita pwutak kan pahn, oh I sohte kaulimkihla dahme kitail lelohng ma neita pwutak kan pahn keirda oh wiahda arail peneinei nan Saion.”1
Maria oh nah pwutak kan kaimwsekalahr arail seiloako. Ansou me Maria mehla kerenieng sounpar 30 mwurin mwo, ih oh John pwilikihdi sohso en pwoson, sahpis, poadidi, oh tohnmetei.
Pwehn wia emen Souleng en Imwin Rahn akan ke anahne wia paionihr men, wewehn paionihr iei “aramas emen me pahn tiengla pwehn kaunopada de ritingada ahl ehu ohng mehteikan pwe irail en idawehn.”2 Oh pwe ken wia paionihr men ke pahn wiahla aramas en tohnmetei men. Ansouet tohn Mwomwohdiso sohte pahn kokolahsang imwarail kan pwe irail en seiloak lahng Zion, ahpw irail udahn pahn mwesel sang soahng kan me irail ahnlahr, tiahk en mahs akan, oh kempoakepahrail kesempwal kan. Ekei kin wiahda pilipil apwal en kokolahsang arail peneinei kan me kin uhwong arail iangala Mwomwohdisou. Souleng en Imwin Rahn akan kin wenlahte mwowe, oh kin, wie kapakap kin irail pwe ehu rahn irail pahn wewekihda oh alehda.
Ahl en paionihr kan sohte mengei, ahpw kitail weid nan lipwen Paionihr kaidehn mehn mwamwahlo— me iei Sounkomouro—me tienglahr mwowe, kaskasalehiong kitail mehnia ahl me kitail pahn idawehn.
“Kohdo, idawehn ie,”3 E lukei kitail.
“Nghei me ahl, mehlel, oh mour,”4 E masanih.
“Kohdo rehi,”5 E lukwerdo.
Ahlo kak mie kasongsong E kin apwal ohng ekei en kanengamahiong kapailok oh kosoai loamwaumw en aramas pweipwei me kin kasohwe mwakelekel, mehlel, oh peikiong kosonned en Koht akan. Ahpw sampah ansou koaros kin katikala peikiong me mwahu. Ansou me Noah alehdi ilek en wiahda warihmwo, irail me pweipwei kan kilang me sohte depwek oh irail eri kepweikangih oh kouruhrki—lao keteu mweredi.
Ekei wasa nan wein Amerika mahso, aramas akan kin kaulim, uhwong, oh sohte kin peik lao kisiniei kamwomwala Zarahemla, pwehl en sampah saripidi Moronihah, oh pihl kipedier Moroni. Koasoai sued, kepit, kamwan sued, oh dihp solahr mie. Meleilei oh marain weliandier soang pwukat. Sapwellimen Koht kanengamah imwseklahr, oh Kupwure pweidahr.
Maria Linford sohte pak ehu eh kesehla ah pwoson pwehki kahpwal akan nan England, apwal akan en ah seiloak ohng “wasa me Koht … ketin kaunopadahr,”6 oh kahpwal akan me lelong ah peneinei oh Mwomwohdiso.
Ni kasarawi en sousou ong Maria nan 1937, Elder George Albert Smith (1870–1951) mahsanihong ahn liho tungoal serih kau: “Kumwail kak momour mehleliong pwoson en amwail nohno oh pahpa kahlapoko? … En nantihong warohng tohnmetei me [irail] wiadahr ong kumwail.”7
Ni atail kin rapahki pwe kitail en kawada Saion nan atail mohngiong kan, nan imwatatail kan, nan atail wasahn kousoan kan, menlau kitail tamtaman sawas mwahu oh pwoson en irail ko me tohnmetei kihla soahng koaros pwe kitail en iang pereniki kapai en kopwurpwurdohn rongamwahuet, ni koapwoaroapwoar oh inou en Tomwpen Sises Krais.
© 2016 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/16. Kamanaman ong kawehwe: 6/16. Kawehwehpen First Presidency Message, July 2016. Pohnpeian. 12867 885
Padapadahk sang Iren Mahsen Wet
Idek rehn irail kan me ke kin padahkehng irail en medewe ihs aramas nan arail mour me tieng mwohrail oh wia arail paionihr. Oh pil idek rehrail iahd irail pahn uhd wia paionihr kei pwe irail en uhd kaunopada ahlo ong mehtei kan. Luke irail en medewe ansou kan me irail pahn kin tohnmeteikihla oh dahme karehda e kesemwpal en wiawihki. Ke kak pil kiong irail en ntingihdi arail kadedeh me pid “Paionihr kesemwpwalo,” iei Sounkomouro.