Iren Mahsen en Padahk en Pas, Sulai 2016
Atail Pwukoah en Nohno Pahpa
Onopiki audepen padahk wet ni kapakap oh rapahki en ese dahme komwi en ehukihong mehteikan. Ia duwen wehwehki “Peneinei: Kalohk Ehu ong Sampah” eh pahn kalaudehla ahmw pwoson Koht oh kapaiada irail kan me ke kin apwalih ni padahk en pas? Pwehn alehdi iren kapehse kapatapat, tehk reliefsociety.lds.org.
Pwoson, Peneinei, Sawas
“E kesemwpwal me Sapwellimen Koht seri ngehn kan ipwidi oh ale palinwar oh ahniki pwukoah en pein kakairada pein irail ong mour soutuk,”Elder Dallin H. Oaks sang Pwihn en Ehkriemeno me padahk ki. “Udahn wewehn kahrepe kesempwal en plahn en peren lapo, I kamehlel me iei neitail serih kan oh wahtail kan me keieu kesempwal nan sampah oh nanleng.”1
Elder Neil L. Anderson en Pwihn en Wahnparon Ehkriemeno koasoaia:
“Se kamehlele peneinei kan, oh se pil kamehlele seri kan. …
“‘… Koht masanihong [Adam oh Ihp], Kumwa kaparaparala pwe kadaudokamwah kan en audehla sampa’ [Senesis 1:28]. …
“Kosonned wet sohte manoknokla de kasohralasang nan Mwomwohdiso en Sises Krais en Souleng en Imwin Rahn akan.”2
Detehn kaidehn kitail koaros kin wia nohno oh pahpa nan mouir wet, kitail kak sewese apwaliada seri koaros. Kitail kin perepereniki kapai kan en atail iang wia Sapwellimen Sahm Nanleng peneinei, oh kitail pil esehla peren oh kahpwal akan en wia peneinei en sampa. Oh ong ekei, wia pahpa oh nohno awiawih irail nan mour kokodoh.
Pwuhk Sarawi Kapatapat kan
Koasoai Momour kan
Elder Andersen patohwan, “ngihl tohto nan sampa rahn pwukat sohla wiahki mehkot kesemwpwal nainiki seri de kin kangonge pwand en nainki seri de itehieng seri malaulau nan peneinei.” “Nei serepeino me keren ah kiongie kisin likou kis sang rehn nohno souleng men (kaidehn tohn atail mwomwohdiso) me nainiki seri limen. Liho koasoia: ‘[Kekeirida] nan ansou pwukat, e inenen apwal en wia dahme koasoandi ong nohno kan en wia me mihmi nan pwuhk sarawi … Serih kan sohte kesempwal sang college. Mihla pahn peren en sampah. Mihla pahn ansou mwahu en kohkohseli nihpwong ni ansou en komoal. Mihla pahn kamwahupen palinwar ni wasahn mwadong kan. Mihla pahn doadoahk kan me ke ahniki de men alehdi.’ Liho pil koasoia: ‘Wia nohno kaidehn mehn mwadong, E wia pwukoah ieu. Ke sohte rikada seri kan pwehki ahmw diarada me re masamwahu sang stamp kan. Kaiden mehkot ieu me ke kin wia me ke kak pein kiheng ansawi. Mehkot ieu me Koht ketkiong uhk ansawi.’”3
© 2016 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/16. Kamanaman ong kawehwe: 6/16. Kawehwehpen Visiting Teaching Message, July 2016. Pohnpeian. 12867 885
Medewe Met
Soangen wiepe da me atail peneinei en sampa kin duekihte atail peneinei en nanleng?