Klumech er a Oldingel e Olisechakl, Ongeuid el buil 2016
Klisiched el Moungalk
Bom ngara nglunguuch e msuubii tial klumech e mosiik el kmo ngera ke mo ouchais. Ng mekerang a klemedengei er kau er a “Telungalek: Chais el mora Beluulechad” a le sisichii a klaumerang er kau er a Dios e mesterir a klengeltengat tirkal momes er tir lokiu a odngelem lolsisechakl? A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngeseu
“Ng mle kirel el tirkel ngelekel a Dios ra reng el mechell lokiu a klechad me sel techall el ngoriakl el kirel a diak a ulebengelel el klengar,” ng olsisechakl a Elder Dallin H. Oaks e ra Cheldebechel e ra re Teruich ma Terung el Apostol. “Ngokiu sel kmal moktek ersel meang el luldasu e ra deurreng, ea kumerang el kmo a ikel kmal kesiokel el klaleu ra beluulechad ma babeluades a re ngeleked ma ruldeled e ra rasech.”1
A Elder Neil L. Andersen ra Cheldebechel e ra re Teruich ma Terung el Apostol a kmul kmo:
“Aki oumerang ra telungalk, e dirrek e loumerang ra rengalk. …
“‘… a Dios a dilu ra [Adam ma Eva],Bo le betok a rengelekiu, ma ruldidelel a rsechiu, e bo le kie re ker me ker e lorredel er ngii’[Genesis 1:28]. …
“Tial llach a direkak el mechoit malechub e bla docheueklii ra elsel A Ikelesia ra Jesus Kristo ra Uriul-klebesei el Santo.”2
Leng diak el rokui el chad a moungalk er tial klengar, ng sebeched el lomekeroul ra ngii di el ngalk. Kede doutkeu ra klengeltengat el tebedechel a teulngalk er a Demad ra Babeluades, e mo a melchesuar a ikel deurreng ma ongarem le kede tebedechel sel telungalk el ngar tial beluulechad. E mor tirkel lobdois, a mo oungalk a mengiil er tir ersel ngaruchei el diak a ulebengelel.
Lmuut el Bebil er a Bades
Meral Cheldecheduch
“Betok el tekoi ra beluulechad er chelechal taem a olekebai ra belkul a doungalk ma re kmo mongiil malechub e mongesadel e ra rengalk ra telungalk,” e melekoi a Elder Anderson. “A rengelekek el redil a direke milkrolak el mora tekoi lulekiu a melidiul e luluches er ngii a kristiano el edil (diak el chedal a ikelesia er kid) el teim a rengelekel. Ng dilul kmo: ‘[A ulekurulek] ra elsel tial teletael ra klengar, ng kmal meringel a desang sel osengel a chedaol lechukl el kirel a klechedil. … A rengalk a ngariou ra tekoi ra daingak. Ngariou e lultebechel e leng ka dosarech a beluu. Ngariou ersel mo sebeched el tuobed a le klebesei a bol soad. Ngariou ra bo molisiich e ra bedengem e ra gym. Ngariou ra ngidil lureor el sebechem el nguu malechub e ke melatk el nguu.’ Ng liluut el melekoi el kmo: ‘A klechedil a diak el lomilil, ngureor. Kau a diak ke moruruu ra rengalk e le komes er tir el kuk klebokel e ra stamp. Ngdiak el tekoi el moruul er ngii leng mlo rengii a temem. Ng tekoi el Dios a mileskau a taem el kirel.”3
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/16. Kengei er a oidel: 6/16. Oidel a Visiting Teaching Message, July 2016. Palauan. 12867 881
Ka Momdasu er Tiang
Ngokiu a ngeral teletael ea telungalk er kid er tial beluulechad a uai a telungalk er kid ra babeluades?