Parau poro’i no te hāhaerera’a a te mau tuahine, Tiurai 2016
Tō tātou faito pūai’ei metua
’A tuatāpapa nā roto i te pure i teie māteria ma te ’imi ’ia ’ite e aha te fa’a’ite atu. Nahea te ta’a-maitai-ra’a i « Te ’Utuāfare : E poro’i i tō te Ao nei », e ha’amara’a i tō ’outou fa’aro’o i te Atua ma te ha’amaita’i i te feiā tā ’outou e ha’apa’o ra nā roto i te hāhaerera’a a te mau tuahine ? Nō te mau ha’amāramaramara’a hau atu, ’a haere i ni’a i te reliefsociety.lds.org.
Te Fa’aro’o, Te ’Utuāfare, Te Tōtauturu
’Ua ha’api’i ’o Elder Dallin H. Oaks nō te pupu nō te Tino ’Ahuru ma Piti ’āpōsetolo, « E mea faufa’a rahi nō te mau tamari’i vārua a te Atua ’ia fānauhia i te tāhuti nei ma te rāve’a nō te nu’u i mua ’e tae atu i te ora mure ’ore ». « Nā roto i te māramarama o te ’ōpuaraa a te rāve’a rahi nō te ’oa’oa, tē ti’aturi nei au ē, te tao’a rahi hope roa a’e i ni’a i te fenua nei ’e i te ra’i ’o tā tātou ïa mau tamari’i ’e tō tātou huā’ai.1
’Ua parau ’o Elder Neil L. Andersen nō te pupu nō te Tino ’Ahuru ma Piti ’āpōsetolo :
« Te ti’aturi nei tātou i te ’utuāfare ’e te ti’aturi nei tātou i te mau tamari’i …
« ‘… ’Ua parau te Atua [ia Adamu ’e ia Eva], ’ia fānau ’ōrua, ’e ’ia rahi roa, ’e e fa’a’ī i te fenua nei’ [Genese 1:28 …
« ’Aita teie fa’auera’a i ha’amo’ehia ’e ’aore rā i tu’uhia i te hiti i roto i te ’Ēkālesia a Iesu Mesia i te Feiā Mo’a i te Mau Mahana Hope’a nei ».2
Noa atu ē ’aita tātou pā’āto’a e riro mai ’ei mau metua i roto i teie orara’a, e nehenehe rā tā tātou e aupuru i te mau tamari’i noa atu te matahiti. Tē ’oa’oa nei tātou i te mau ha’amaita’ira’a nō te rirora’a ’ei tuha’a nō te ’utuāfare o te Metua i te Ao ra, ’e tē ’ite nei tātou i te mau ’oa’oa ’e te mau tāmatara’a nō te rirora’a ’ei tuha’a nō te hō’ē ’utuāfare i te fenua nei. ’E nō te ta’ata e rave rahi, tei te mau ao mure ’ore i muri nei te ti’ara’a metua nō rātou.
Te tahi atu mau ’īrava pāpa’ira’a mo’a
’Ā’amu mau
« E rave rahi reo i roto i te ao nei i teie mahana e fa’aiti nei i te faufa’a o te fāri’ira’a i te tamari’i ’e ’aore rā, ’o te parau nei ’ia fa’ataime ’e ’aore rā, ’ia fa’aiti i te tamari’i i roto i te hō’ē ’utuāfare », ’ua parau ’o Elder Andersen. ’Aita i maoro a’enei ’ua fa’a’ite mai ta’u tamāhine iā’u i te hō’ē blog i pāpa’ihia e te hō’ē metua vahine keritesiāno (e’ita nō tā tātou ha’apa’ora’a) e pae tāna tamari’i. Tē parau ra ’oia ē : « Te pa’arira’a i roto i teie hīro’a tumu, e mea fifi roa ia roa’a te hō’ē hi’ora’a mai tō te bibilia nō ni’a i te ti’ara’a metua vahine … [I roto i te mau mea faufa’a rahi] tei raro roa te mau tamari’i i te ha’api’ira’a tuatoru. [I raro roa i] te terera’a na te ara. [I raro roa i] te ’āreareara’a i te pō. [I raro roa i] te ’atu’atura’a i tō ’outou tino i te vāhi fa’a’eta’etara’a tino [I raro roa i] te mau ’ohipa ’o tā ’outou e nenehene e fari’i ’e ’aore rā tā ’outou e tia’i nei e fari’i’. ’E tē parau fa’ahou ra ’oia : « E ’ere te ti‘ara’a metua vahine i te hō’ē peu ’ārearea, e pi’ira’a rā. ’Aita ’outou e ha’aputu i te tamari’i nō te mea e mea nehenehe a‘e rātou i te titiro. E’ita ’outou e rave i te reira mai te peu ē, e nehenehe tā ’outou e fa’aō ’ia rātou i roto i tā ’outou tārena ’ohipa. Nō te tamari’i te Atua i hōro’a mai ’ai i te taime ia ’outou ».3
© 2016 nā Intellectual Reserve, Inc. Fatura’a paruruhia. Nene’ihia i te Mau Hau ’Āmui nō Marite. Parau fa’ati’a nō te reo peretāne : 6/16. Parau fa’ati’a nō te ’īritira’a : 6/16. ’Īritira’a no Visiting Teaching Message, July 2016. Tahitian. 12867 895
’A feruri i teie
E aha te mea i roto i tō tātou ’utuāfare i te fenua nei ’o te tū’ati i i ni’a i tō tātou ’utuāfare i te ra’i ra ?