Ataei

Utu Bon Akea Tokina

Ibukin Ana Mwakuri ni Kamaiu Iesu Kristo ao kaokan kiing n te nakoanibonga, ti kona ni maeka ma ara utu n akea tokina! Tera ae ko tangiria ibukiia am utu? Irii kaetieti aikai ni karaoa te tiein n te beeba aei ni bukamaruia am utu.

1. Rukuma ni kauaitera te mwakoro ni beeba uoua te tai bwa ko aonga ni karekea tabon te beeba teuana ae abwabwaki.

2. Korea tamnein te aomata ma baina n nakon mataniwiin te beeba are e rukumaki.

3. Korea te aomata ni kanakoa. Tai korei baina ake a ringa mataniwiina ake a rukumaki.

4. Manga Kaukia. Koreia ke korotamneia te bwai ae ko tangiria ibukiia kaain te utu n tatabemaniia nako.

5. Ikotii n teibini tiein aikai ni kabane ngkana e bubura am utu!