Rongorongon Reirei ni Kakawari, Aokati 2016

Kakorakorakiia Kaain te Utu Ni Kabane

Tataromwaaka ni kamatebwaia te bwai n reirei aei ao n ukoria bwa ko aonga n ataia bwa tera ae ko na tibwaia. E na kanga ataakin “Te Utu: Te Katanoata nakon te Aonaaba” ni karikirakea am onimaki iroun te Atua ao ni kakabwaiaiia naake ko tararuaiia rinanon te reirei ni kakawari? Ibukin rongorongona riki tabeua, nakon reliefsociety.lds.org.

Onimaki, Utu, Buoka

Iai taben te “bumwaane ao te buaine aika rine n tangiriia ao tabeakiniia n tatabemaniia nako ao ibukiia naba natiia.”¹ “Te mweenga bon te tabo are e reireiniira n tangira ao ni ibuobuoki iai te Atua,” e taku Beretitenti Russell M. Nelson, te Beretitenti n te Kooram n Abotoro n te Tengaun ma Uoman.

“Tamara are i Karawa E tangiriia mwaanenumwa ao ainenumwa bwa ana onimakiniia bon irouia ao ae e kakawaki bwa a na karikiia natiia bwa bwaai n akoi mairoun Iehova.”²

N ana Boki Moomon, ao e taku Iakobwa bwa te tangira are iai irouia mwaanenumwa ibukiia ainenumwa, te tangira are iai irouia ainenumwa ibukiia mwaanenumwa, ao te tangira are iai irouia ibukiia natiia bon teuana mai ibuakon bukin are n te taina ao e na korakora riki raoiroia Reimwanaite nakoia Nibwaite (taraa Iakobwa 3:7).

Teuana te kabanea n tamaroa ni kawai ni kaoa te tangira ao te rau nakon mweengara bon te taetae n akoi nakoia kaain ara utu. Te taetae n akoia e uota te Tamnei ae Raoiroi. Titita Linda K. Burton, te beretitenti n te Bootaki n Aine, e tuangiira bwa ti na iangoia: “N ningai ae ti aki toki iai n ‘tataekin taeka n akoi nakoira n tatabemanira’?”³

Rakan riki Booki aika Tabu

I-Rom 12:10; Motiaea 4:15; Doctrine ao Covenants 25:5

Karaki n Taai Aikai

Unimwaane D. Todd Christofferson man te Kooram n Abotoro n te Tengaun ma Uoman e tibwaua te atatai inanon ataeina are e reireinna te namakin n aron te bwai are e na aki mwaninga kakawakin te utu ae tangira. Ngke ngaia ao (aman tarina aika uarereke riki) kairake n ataeinimwaane, e a tia tinaia ni karaoaki te korokoro ae korakora nakoina ibukin te kaentia are e a karika marakin baina te angaatai ngkana e tabekia. Ma te utu ae bon ti ngaiia ataeinimwaane, a mwaiti kunnikai aika ana katiraaki, ma ngkana e karaoa te katira tinana, e na bae moa n toki n tainako ao n nakon te ruunimatu n tang ni karokoa e kerikaaki te maraki.

Ngke taman Unimwaane Christofferson e ata te bwai ae riki, e kaakea ana tai n amwamwarake n te tawanou n aki kamauantia inanon e kania te ririki ni kawakina te mwane ae tau ni kaboa te mitiin are e na kabebetea aron te katira. Man ana tangira ibukin buuna, e katea te banna ni katooto ibukiia ana ataeinimwaane n tararua inanon utu. Man te katooto n akoi aei, e taku Unimwaane Christofferson, “I aki ata ana mwakuri n ibuobuoki tamau ao ana mwakuri n tangira ibukin tinau n te tai anne, ma ngkai I a ataia, I taku nakoiu, ‘Iai te aomata (ae korakora).’”⁴

© 2016 iroun Intellectual Reserve, Inc. Abane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/16. Kariaiakaki rairana: 6/16. Rairan te Visiting Teaching Message, August 2016. Kiribati. 12868 859

Iangoa Aio

E kanga te tangira ao te ibuobuoki ibukin temanna ni kaoa te Tamnei inanon mweengara?