Ngeasek

Kaiuedars er a Deurreng el mora Ullebongel

A tara kot e lungil klungiolel a ebangkelio a sel klaodengei ra uldasu er a mo suobel. Kid a obang sel utekelel a techall el lobengterir a telungalek er kid el mo cherechar. Sel klaudengei a ngosukid el morngii a urrunguled ra ngidil taem el doberedang ra tekingel a beluulechad. A President Eyring a olsisechakl el kmo, “A oubeltik el reng el Demad ra Babeluades a medengelii a rengud. A moktek er Ngii a meskid a deurreng (mesa 2 Nephi 2:25). Meng mo meskid a ngkeded el Ngelekel me bol sebechel sel deureng er a telungalek el selmosem e lolemolm el mo cherechar. … Ng sengk el bek el ngelekel a Dios el mei er a beluulechad a ngarngii a llemeltir el kirel.”

Seikid el klengeltengat a merkid el kiei er elechang me tirkel mla mad —engdi ng kmal di mo ultuil er a ngelseuid. A re beldeked el ngara belurir a re deleb er elechang, a mengiil er kid el mengetmokl a ngklir el kirel a chedaol lureor ra templo el mo meketmokl el kirir. Engdi bebil ra taem eng sebechel mo meringel el dongetmokl a ureor el kirir. Kede locha kmal mechesang,malechub e kede locha kiei el cheroid er a templo meng diak el sebeched el blechoel el mong.

Kede ngeltengat, leng ngarngii a bebil ra rael el sebeched el ngosuterir a re beldeked, el sel doruul a ureor ra reksi er a telungalek, mengederodel a babier ra klauchad, malechub e kede omes er a rengalk e a demad ma delada mora templo. Sel dolngeseu, e kede mesiou er a Rubake okeed a urrungulir a telungalek el mora ulebongel el mor tirkel ngara bitang.