Iwaad

Ndibuana Nsinsi Inemesit

Kiet kotu ata nti nkpo kabanga iko Abasi edi ndinyene-ifiok mbanga uduak erinyanga ukpong. Nnyin imenyene ata eti ifet ndidu ye ufokemana nnyin ke nsinsi. Ifiok oro eyenwam nnyin ndinyene idorenyin ke ini ekededi emi nnyin ikopde mfuho ke uwem ererimbot emi. President Eyring ekekpeb ete ke, “Edima Ete nnyin ke Enyong odiongo esit nnyin.” Utom Esie edi ndino nnyin inemesit (se ke 2 Nephi 2:25). Ndien ke nrte Enye ama ono nnyin eno eke Eyen Esie emi edinamde idara eke ebuana ufokemana ndika-iso ndu ke nsinsi. … Oro edi eno emi ofuri eyen Abasi ekedukde edi ke ererimbot ekemede ndibo.

Edidiong oro odu ono mbon nnyin eke idude idahaemi ke uwem ye mbon emi ema ekebe efep—edi odu oto ke nnyin ndinwam kpot. Idahaemi mbio ntongo-ubon nnyin mmodo edu ke ererimbot spirit, ke ebebet eyom nnyin ino enying mmo man enam mme edinam temple eno mmo. Edi ke ubak-ini ekeme ndidi okposong nkpo ndinam utom oro nno mmo. Nnyin imekeme ndinyene ediwak mbubehe, mme ndidung usung otim oyom okpong temple eke obiongore nnyin ndika temple ofuri ini.

Ke mfoniso, odu mme usung efen emi nnyin ikpenwamde mbio ntongo-ubon nnyin, nte ndinam utom family history, indexing, mme ndimum-eyen-nkama kini mme ete ye eka nnyin ekade temple. Ke ndinwam, nnyin inam utom ino Abasi nyung ida idorenyin eke nsinsi ufokemana isok mbon-owo emi edude ke ikpehe nkang oko.