Etop eke Visiting Teaching, Ofiong Itiaita Isua 2016
Ndi-bok mme Ufokemana Otokiet
Bong akam kpeb nkpo emi ndien yom ndidiongo se ekpebuanade. Didie ke ndifiok “Ufokemana: Etop emi enode Ererimbot” anam mbuotidem nnyin ke Abasi okori onyung odiong mbon-owo emi mbufo esede-enyin eto ke ndikise iban? Ke oyomde ndifiok awak, ka ke reliefsociety.lds.org.
Mbuotidem, Ufokemana, Unwam
President Russell M. Nelson, President ke Eboho eke mme Apostles Duopeba eketing ete ke, Ebe ye nnwan enyene akamba ubiong-utom ndima nnyung nse-nkpo mbanga kiet eken ye ndito mmo.”1 “Ufokidung ekpedi itie-utom ndiwut ima ye utom-unwam eke Abasi.”
Ete nnyin ke Enyong oyom mme ebe ye nnwan enam akpaniko eno kiet eken ndien eda enyung ekama ndito mmo nte udeme eketode Abasi.”2
Ke Nwed Mormon, Jacob okodoho ete ke ima emi mme ebe enyenede eno iban-ndo mmo, ima emi mme iban enyenede eno mme ebe-ndo mmo, ye ima emi mmo mbiba enyenede eno ndito mmo edi kiet kotu mme ntak emi mbon Lamanite ekefonde ekan mbon Nephite ka ndaha-ini kiet (se ke Jacob 3:7).
Kiet kotu eti usung ndida ima ye inem nsin ke ufok nnyin edi nditing-iko ke ima ye mbon ufokemana nnyin. Nditing-iko ke ima esida Edisana Spirit edi. Sister Linda K. Burton, general president eke Relief Society, okodoho nnyin ete ikere-ibanga mme: “Ini esiwak didie ke nnyin ndifofiok ‘nting-iko ke ima ye kiet eken’?”3
Mme Itie Nwed Abasi Efen
Mbuk Akpaniko
Elder D. Todd Christofferson eke Eboho eke mme Apostles Duopeba akabuana ukpeb eke ini uyen esie emi eketimde otuk enye abanga ufon eke ufokemana emi ima odude ke-esit. Ini emi enye ye ndito-eka irenowo esie ekedide mkparawa, eka mmo ama oduo ata idiok udongo cancer emi enye ekesikopde okposong ubiak kini enye oyomde ndida ubok-udom esie nnam-nkpo. Ye ufokemana emi okoyohode ye ndito-iren, ediwak ofong ama odu ndikwohode, edi nte eka esie esikwohode mme ofong, enye esiwak nditre-ke-usung ndien oduk-aka ubet-ufok akatua eyet tutu ubiak oro osuhore.
Ini eke ete Elder Christofferson edifiokde se isitibede, enye ke ndibe-ndibe etre ndidia-udia uwemeyo ke nkpo nte ufang isua kiet man enim okuk ekem ndidep nkpo-utom emi edinamde ndikwohode-ofong emem utom. Ke ntak ima emi enye ekenyenede ono nnwan esie, enye ama otongo uwutnkpo edi-bok ke otu ufokemana ono ndito irenowo esie. Kabanga edinem ebuana nneme emi, Elder Chritofferson eting ete, “Ami nkofiokke mbanga nwaidem emi ete mi akanamde ye utom ima nno eka mi ke ini oro, edi ami mmediongo oro idahaemi, ami ndoho idem mi nte, ‘Erenowo edi oro.’”4
©2016 eketode I ntellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/15. Enyime edikabarel: 6/15. Ndikabare eke Visiting Teaching Message, August 2016. Efik 12868 553
Kere banga Emi
Didie ke ndima nnyung nse-nkpo mbanga kiet eken ada Spirit Abasi esin ke mme ufokidung nnyin?