Fal’ Yangren

Weliy e Falfalen’ nib Manemus

Reb e pin’en ni tha’abi mangil ni mornga’agen e gospel e gonop ni mornga’agen fare wo’en e thap. Ba’ e kanawo’en rodaed ni ngad pired ko tabinaew rodaed nib manemus. Binem e gonop e ra ayuweg daed ngad thapeged e athap ko ngiyal’ ni kad magawon gaed ko tin fayleng ban’en. Ke fil President Eyring ni ga’ar, “Chitamangdad ni bay u Tharmiy nib sug ko t’ufeg e manang gumircha’en daed. Fan e Nge pi’ e falfalen’ ngodaed (muguy ko 2 Nephi 2:25). Ere ke pi’ tawa’ath Rok ni Faak ni nge n’anggin ngeyag ni nge ul’ul e falfalen’ ko tabinaew nge tha’ nib manemus. … Ba tawa’ath ni gubin faak Got nike yib nga fayleng e rayog ni nge non.

Binem e tawa’ath e ba sar fan ngodaed e picha’an ni kagadaed fas e chiney nge picha’an nike yim’—machane kemus ni dakean e ayuw rodaed. Gidii’ rodaed kakrom e ba’ u lan tafen e ya’el e chiney, ni yibe soen nag daed ni ngad fal’eged rogon fithngan raed ni fan e pi gam’ing u temple ni ngan rrin’ ni pa’ raed. Machane boech ngiyal’ ma rayog nib momaw’ ni ngan rrin’ e murwel ni fan ngoraed. Ba’ ni gadaed ba magawon, fa gadaed be paer nib palog ko temple ni ngan yaen ni gubin ngiyal’.

Machane, ba’ boech e kanawo’ ni rayog ngad ayuwegned e gidii’ rodaed ni kakrom, ni boed ni gadaed be farowliy e murwel ko cheppin e tabinaew, yibe gay, fa yibe paer ko bitir me yaen e galabthir rodaed nga temple. Ran ayuw, ma gdaed be pigpig ngak Somoel ma yibe pi’ e athap ni mornga’agen e tabinaew nib manemus ngak e picha’an ni ba’ u barba’ e biney e yafos.