Mulwol ni Ngan Fil ni Ngan Nang, August 2016
Gel Nag e Tabinaew u Ta’abang
Mu fil mornga’agen e biney u fithik e meybil mag gay ni ngam nang ko mang e ngam weliy. Urogon ni “Fare Tabinaew: Mulwol Ni Yan ko Fayleng” e ra ga’ nang fare mich rom ngak Got nga fapi tawa’ath rok u daken fapi cha’ ni gama guy ko ngiyal’ ko mulwol rom? Ra tin ni ga ba adag ni ngam nang, man ko reliefsociety.lds.org.
Mich, Tabinaew, Ayuw
“Pumo’on nge ppin e ba’ e n’en nib mil fan ngorow ni ngar t’ufegew goyow nge pifaak row.”1 “Tabinaew e nga mang e gin ni be fil Got e t’ufeg nge pigpig ngodaed riy,” e yoeg President Russell M. Nelson, President ko fare Ulung ko fare Ragag nge L’agruwi Apostle.
“Chitamangdad ni bay u Tharmiy e ba adag ni nge yul’yul’ e pumo’on nge ppin ngorow mar ayuwegnew piffak row ni yaed pifaak Somoel.”2
U lan fare Babyor ku Mormon, ma ke yoeg Jacob ni adag ni ba’ rok e pumo’on ko ppin roraed, nge adag ni ba’ ko ppin ngak e pumo’on roraed, nge t’ufeg ni yow la’agruw ma ba’ ko pifaak row e ba’ u fithik fan ni kari yul’yul’ e Lamanite ngak e Nephite (muguy ko Jacob 3:7).
Reb e kanawo’ ni ngan thapeg e t’ufeg nge gapas nga tabinaew rodaed e ngan non nib munguy ngak chonggin e tabinaew rodaed. Ra non nib munguy ma pining fare Kan nib Thothup. Sister Linda K. Burton, Relief Society general president, e ke fith ngodaed ni ngad leam niged e: “Uw urngin yay ni gadaed ma ‘non nib munguy ngodaed’?”3
Yug pi chep nib Thothup
Yaat nib Riyul’
Elder D. Todd Christofferson ko fare Ulung ko fare Ragag nge L’agruwi Apostle e ke weliy mornga’agen e n’en nike buch rok nikab bitir nike nang gelngin nib ga’fan e tabinaew nib sug ko t’ufeg. Nap’an ni kiyad bitir e pi walagen ni pagael, ma yaen e nina’ roraed ko surgery ni fan ko cancer rok ni n’anggin nge ri magawon ko amith i murwel ko bani mat’aw i pa’. Ba tabinaew nib sug ko pagael, ma bo’or e maad ni ngan iron nag, machane nap’an ni iron e nina’ rok, ma baga’ nima tal nge yaen nga lane senggil nge yoer nge taw ko ngiyal’ nike waer e amith rok.
Nap’an ni nang e papa’ ku Elder Christofferson ko mang e be buch, ma yan ko murwel nibe mith ni darma feek e gaan nika’ ko misiw’ ni chugur nge gaman reb e duw ni nge cha’ariy e salpiy ngeyog ni nge chuw’iy e misin ni nge moem i iron nag e maad. Fithik e adag rok ngak e ppin rok, ma ke dag e wo’en i gel nag e tabinaew ni fan ngak e pi pagael ni faak. Biney nike buch, ma ga’ar Elder Christofferson, “Danug nang e miligach rok e papa’ rog nge mithmith rok u fithik e adag ni fan ngak e nina’ rog ko ngiyal’ nem, machane chiney ni kug nang, gube ga’ar ngog, ‘Ba’aram e pumo’on.’”4
© 2016 by Intellectual Reserve, Inc. All rights reserved. Kan yoloey u Meriken. Kan micheg nag ko thin nu Ngalis: 6/16. Micheg i pilyeg: 6/16. Pilyeg thin ko Visiting Teaching Message, August 2016. Yapese. 12868 905
Mu Lemnag ko Pin’ey
Bu’uw rogon ni adag nge t’ufeg e ma pining fare Kan Thothup nga lane tabinaew rodaed?