iVaqa ni Veisiko, Okosita 2016
Bucini Vata ni Matavuvale
Vulica ena masumasu na itukutuku oqo ka vakasaqara mo kila na ka me wasei. Ena rawa ni vakalevutaka vakacava na nomu vakabauta na Kalou na kilai vakamatata ni “Na Matavuvale: Ai Vakaro ki Vuravura Raraba” ka vakalougatataki ira o vakaraica voli ena gauna ni veisiko? Me ikuri ni itukutuku, lako ki na reliefsociety.lds.org.
Vakabauta, Matavuvale, Veivukei
“Na tagane kei na yalewa vakawati me rau dau veilomani ka veikauwaitaki vakaveiwatini ka vakakina vei ira yadudua sara na luvedrau.”1 “Na vuvale me sa nona volau na Kalou ni veilomani kei na veiqaravi,” a kaya o Peresitedi Russell M. Nelson, na Peresitedi ni Kuoramu ni iApositolo Le Tinikarua.
“Na Tamada Vakalomalagi e vinakati ira na tagane vakawati kei na watidra mera dau yalodina vua na kena ikarua ka mera rokovi ira ka lomani ira na gone me vaka ni ra sa isolisoli ni Turaga.”2
Ena iVola i Momani, a kaya o Jekope ni nodra loloma na turaga kivei ira na watidra, na nodra loloma na marama kivei ira na watidra, kei na nodrau loloma ruarua me baleti ira na luvedrau e sa vakavuna ena dua na gauna mera yalododonu cake kina na Leimani mai vei ira na Nifai (raica na Jekope 3:7).
Dua na sala vinaka duadua ni kena sureti na loloma kei na duavata ki na loma ni noda itikotiko oya ena noda vosa vakavinaka vei ira na lewe ni noda matavuvale. Na vosa vinaka e kauta mai na Yalo Tabu. O Sisita Linda K. Burton, na peresitedi raraba ni iSoqosoqo ni Veivukei, a kerei keda meda navuca: “Sa wasoma beka na noda ‘dauveivakacaucautaki’?”3
iKuri ni iVolanikalou
Veitalanoa Bula
A wasea o Elder D. Todd Christofferson ena Kuoramu ni iApositolo Le Tinikarua e dua na ka a sotava ena gauna a tubucake tiko kina ka vakavurea vua na bibi ni dua na matavuvale veilomani. Ni se gone o koya kei ira na tacina tagane, a sele o tinadratou ena radical cancer ka vakavuna me dau mosi sara na vakayagataki ni ligana imatau. Ena dua na matavuvale ni tagane, a levu sara na yayani, ia ni yayani o tinana, a dau cegu wasoma ka gole ki na rumu ni moce me tagi me yacova ni sa ruru na mosi.
Ni sa kila rawa o tamai Elder Christofferson na ka e yaco tiko, a calata vuni voli o koya na vakasigalevu me rauta e dua na yabaki me vakabula ilavo kina me volia e dua na misini e vakarawarawataka cake na yayani. Mai na nona lomana vakaidina na watina, a tuva o koya e dua na ivakaraitaki ni bucibucini ena loma ni matavuvale me baleti ira na nona gonetagane. Ena itavi vakasakiti oqo, a kaya o Elder Christofferson, “Au a sega ni kila tu na solibula kei na ivakaraitaki ni loloma nei tamaqu kivei tinaqu ena gauna oya, ia niu sa qai kila oqo, au kaya e lomaqu, ‘Oqori na tagane dina.’”4
© 2016 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi: 6/16. Vakadonui me vakadewa: 6/16. Vakadewa ni Visiting Teaching Message, August 2016. Fijian. 12868 858
Vakasamataka Oqo
E sureta vakacava na Yalotabu ki na loma ni noda itikotiko na veilomani kei na veikauwaitaki vakaikeda?