Yut

Kipim Ol Komanmen mo Lavem Ol Narawan

Taem yumi tingbaot lav, plante taem ol fas samting we oli kam long tingting blong yumi hem i lav bitwin wan man mo woman, ol muvi, jokolet, mo ol flawa. Be lav—tru lav—hem i mo dip mo hem i lukluk moa long ol narawan bitim yuwan, bitim olgeta samting ia. Jisas Kraes Hem i laef from yumi mo ded from yumi from Hem i lavem yumi. Hemi tru se, tufala bigfala komanmen hem i blong lavem God mo lavem evriwan (luk long Matiu 22:36—40). ?Be olsem wanem nao yumi save soemaot long ol narawan se yumi lavem olgeta?

Presiden Ukdof i serem parabol blong Kraes abaot tufala pikinini boe, wan we i wok blong papa blong hem mo wan we i no wok blong hem. Sevya i mekem i klia se pikinini boe ia nomo we i obei long papa blong hem, hemia lavem papa blong hem fulwan. I semmak taem yumi obei long ol oda blong God, yumi soem se yumi lavem Hem mo wantem gobak stap wetem Hem.

?Be olsem wanem nao yumi save soem se yumi lavem ol narawan tu? Presiden Ukdof i eksplenem tu se: “Spos i tru se yumi lavem ol brata mo sista blong yumi, yumi bae go aot blong helpem ‘olgeta we oli pua mo olgeta long nid, olgeta we oli sik mo olgeta we oli gat hadtaem.’ Olgeta we oli mekem ol fasin blong lukluk long ol narawan wetem lav mo sore, be i no fasin blong stap selfis, mo wetem seves, olgeta oli ol disaepol blong Jisas Kraes.”

Nekis taem yu luk papa o mama, wan brata o sista, o wan fren, tingbaot blong givim seves long olgeta blong soem lav blong yu long olgeta. Bae i no mekem olgeta mo yu nomo i hapi , be bae i mekem Papa blong yu long Heven i hapi tu.