Agtutubo

Panagtungpal kadagiti Bilin ken Panagayat kadagiti Dadduma

No panunotentayo maipapan ti ayat, masansan ti umuna a sumrek iti panunot ket dagiti sine maipapan ti romansa, tsokolate, ken sabsabong. Ngem ti ayat—pudno nga ayat—ket naun-uneg nga amang ken ad-adda pay a managayat ngem dayta. Nagbiag ni Jesucristo para kadatayo ken natay para kadatayo gapu ta ay-ayatennatayo. Kinapudnona, ti dua a naindaklan a bilin ket ti agayat iti Dios ken agayat iti tunggal maysa (kitaen Mateo 22:36–40). Ngem kasano a datayo ket makaipakita iti dadduma nga ay-ayatentayo ida?

Isalaysay ni Presidente Uchtdorf ti pangngarig maipapan ti dua nga annak a lallaki, maysa ti agtartrabaho para iti amana ken maysa ti saan. Ilawlawag ti Mangisalakan a ti laeng anak a lalaki a nagtungpal iti amana ti pudno a nagayat kenkuana. Kasta met a, no agtungpaltayo kadagiti bilin ti Dios, ipakitatayo nga ay-ayatentayo Isuna ken kayattayo ti agsubli Kenkuana.

Ngem kasano nga ipakitatayo ti ayattayo iti tunggal maysa? Ilawlawag met daytoy ni Presidente Uchtdorf: “No pudno nga ay-ayatentayo dagiti padatayo a tao, idiayatayo ti bagbagitayo a tumulong kadagiti ‘napanglaw ken agkasapulan, dagiti masaksakit ken agsagsagaba.’ Gapu ta isuda a mangaramid kadagitoy naayat nga aramid ti panangngaasi ken serbisio, isuda met laeng dagiti disipulo ni Jesucristo.”

Isu a no iti sumuno a gundaway a makitayo ti nagannak kadakayo, kabsat, wenno gayyem, panunotenyo maipapan ti panagserbi kadakuada a mangipakita panangipategyo kadakuada. Saan laeng a daytoy ti mangparagsak kenka ken kadakuada, ngem mangparagsakto pay daytoy iti Amayo iti Langit.