Pweng sin Mwet Forfor Luti, Septempuh 2016
Ohiyacn Pahpah Ninac Pa sie Kunohkohn Muhtahl
Pruhe in lutlutkihn kuhfa inge ac suk kolyuck in etuh ma in akacsruhi kac. Kahlwem ke “Sucu: Sie Mwe Fahkwack nuh fin Facluh” ac ahkyohkye luhlahlfongi lom ke God ac ahkinsewowoye mwet kom karihngihn ke forfor luti uh fuhkah? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
Pahpah tuhmasr Inkuhsrao El oakiyac sucu uh in kahsrwe kuht luti ip yohk pwacye ke sie acn luhngse. Prestuhn Thomas S. Monson el fahk: “Sang nuh sin tuhlihk nuhtum an kaksyak ac srukilyac; fahk, ‘Nga luhngse kom’ yohk; kwacna ahkkahlwemye kuloh lom. Tiac lwelah sukyacn oreyacn ma uh in yohk srihpac likina luhngse nuh sin sie mwet.”1
Susan W. Tanner, prestuhn mah luhlahp luhn Muhtwacn Fuhsr, luti; “Pahpah tuhmasr Inkuhsrao El srihkeyac pactuhn kuht enenuh in ukwe. El luhngse kuht, luti kuht, mongfihsrwacsr nuh sesr, ac luhlahlfongi kuht ke sulaclah lasr uh. … Kuhtuh pacl uh kai, suc kalmac pa ‘in luti,’ fohswack ke mwe ahkkoluk. Tuhlihk uh—oacpacna mwet ke matwac nuh kwewa—ahkwoyelah ohiyac uh ke luhngse ac ahkkweye uh yohk likina ke sukyacn ma tahfonglac uh.”2
“Fin kuht luhlahlfongi pruhe in sucu, lutlutkihn ma suhmuhslah, ekuh in toeni luhn sucu, mwe insewowo luhn pristut, ac ahkfuhlwactyeyacn lwen Sacnri,” Elder Quentin L. Cook ke U Luhn Mwet Sap Singucul Luo el fahk, “tuhlihk nahtuhsr uh fah … ahkolah nuh ke sie lohm inkuhsrao ma pahtpaht, macnsiskihn ma ahkkolukyaclos ke sie facluh upac.”3
Tahfweyacn Ma Suhmuhslah
1 Nephi 8:37; 3 Nephi 22:13; Doctrine and Covenants 93:40; 121:41
Sramsram Moul
“Nga tuh rit nuspwepuh pacl se sie sin tuhlihk mukul nuhtin tuhlihk nuhtihk srihsrihplac keik,” Robert D. Hales ke U Luhn Mwet Sap Singucul Luo el fahk. “Ke nga rit, nga engan in lohng ke puhsra wolacna lal ma kahskahs yuruk ac. Nuhnkuh ke mwe lut luhk, ke kihtin pacl tohkoh, el mayang nuh inmahsrlon nus pwepuh sac ac nga. Sang muhtuhk nuh ke pahol ac tanwacng infwacl nuh ke infwek, el fahk, ‘Pahtmahtuh! Kom oasr ingacn?’
“… Oasr ingacn kalmac pa in etuh insiyacn mwet fuhsr wiyacsr ac kuhpahsryang nuh selos. Ac kalmeyacn kuhpahsryang nuh selos tiac pa in sramsram nuh selos muhkwena a in oruh pac ma uh weluhlos. …
“Kuht enenuh in plwacn ac eis ma wowo ke puhluhn pacl in luti uh. …
“… Yohkiyacn moul luhk, yohk ma nga akihlen lah puhlan pacl in luti ke mwet fuhsr luhk, yohkiyacn ma utuckuh sin ninac ac pahpah tuhmuhk, ekuhllah moul luhk ac orwaclah in nga pa inge.”4
© 2016 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lwenglah luhn Visiting Teaching Message, September 2016. Kosraean. 12869 868
Nuhnkuh Ma Se Inge
Efuh wosasuc uh lutiyuck wo emet ke kahs ac ohiyac ke luhngse uh?