Pweng sin Prestuhnsi Se Met, Septempuh 2016
Tukun Luhngse, Na Meac?
Sel Prestuhn Dieter F. Uchtdorf
Mwet in Kahsruh Ahkluo ke Prestuhnsi Se Met
Mwet pahluh sacohk lasr, Prestuhn Thomas S. Monson, el luti lah “luhngse el arulacna yohk srihpac nuh ke wosasuc.”1
Luhngse el yohk srihpac oruh Jisus el pahngon, “pa masap se emet ac yohk uh” ac fahk lah kwewana ip srihsrihk sahyac ke masap ac kahs luhn mwet pahluh uh srihpsrihp nuh kac.2
Luhngse el infulwen ohiyac nuh kwewa ma kuht oruh ke Alu uh. Prokracm nuh kwewa, toeni nuh kwewa, mukwikwi nuh kwewa ma kuht oasr kac ekihn mwet tuhma lutlut luhn Jisus Kraist uh tuhkuh ke kuhiyac se inge—mweyen fin wacngihn luhngse muhtahl “luhngse nwacsnwacs luhn Kraist,” kuht ac tiac kuh in ohinge.3
Ke pacl se kuht etwaclah ma se inge ke nuhnkwacsr ac insiyacsr, pacl se kuht ahkkahlwemye luhngse lasr nuh sin God ac mwet wiyacsr uh—na meac?
Yac puhla sacohk ac luhngse lasr nuh sin mwet sahyac uh fal? Yac ahkkahlwemyeyacn luhngse lasr nuh sin God ac mwet tuhlan lasr ahkwoyelah orekma lasr nuh sin God uh?
Puhpuhlyuck se ke Wen Luo ah
Ke tempuhl fin acn Jerusalem, mwet kol fuhlwact ac mwet mahtuh luhn mwet Jew apkuhran nuh yohrohl Jisus in srihfacl ke kahs Lal. Mwet Lahngo, El tuh, muhta fin tepuh uh ac sruhmuhn sie sramsram.
“Oasr wen luo nuhtin sie mukul,” El muhtwacwacack. Pahpah sac som nuh yurin wen se met ah ac siyuck sel in som orekma ke imac uh. Tuhsruhk wen sac sruhnga. Tok kuhtuh wen se ingacn, “auliyak, ac som.”
Na pahpah sac som nuh yurin wen ahkluo nahtuhl ac siyuck sel in som orekma ke imac uh. Wen se ahkluo ah fahk nuh sel lah lac weluhl som, tuhsruhk el tiac na som.
Na Mwet Lahngo El forwacng nuh sin mwet kol fuhlwact ac mwet mahtuh ah ac siyuck, “Suc sin wen luo inge oruh ma luhngse luhn pahpah tuhmwacl uh?”
Elos fahk lah wen se met ah—ma se ma fahk muh ac tiac som tuhsruhk auliyak tohkoh ac som orekma ke imac uh.4
Mwet Lahngo El orekmakihn sramsram se inge in elakihn yohk srihpaciyacn sie ip yohk—pa elos suc ahkos masap uh pa luhngse na pwacye God uh.
Sahp pa inge srihpac se ma oruh Jisus lan siyuck sin mwet uh in lohng kac ac in ukwe kahs luhn Mwet Facrisi ac mwet luti masap uh tuh in tiac ukwe ohiyac lalos an.5 Mwet luti muhtahl inge forfor tiac oruh ma elos forfor sruhmuhn kac uh. Elos luhngse in sruhmuhn ke alu, tuhsruhktuh mwe ahsor lah elos tiacna oruh yohk srihpaciyac ah.
Mukwikwi ac Molwelah Lasr
Ke sie mwe luti sahflah luhn Mwet Lahngo nuh sin mwet tuhma lutlut Lal, El sramsram nuh selos ke Nuhnuhnkuh sahflah. Mwet koluk ac mwet wo fah enenuh in sriyuckwelihk. Mwet wo fah usrui moul ma pahtpaht; mwet koluk fah kolyucklac nuh ke kai ma pahtpaht.
Meac ma tiac oacna sie inmahsrlon u luo an?
Elos suc ahkkahlwemye luhngse lalos ke orekma lalos moullac. Elos suc tiacna fah misac.6 Eklac pwacye nuh ke wosasuc luhn Jisus Kraist ac ma sacohk ac ip yohk kac uh fah mwe lohoh ke mukwikwi ke lwen nuh kwewa lasr uh.
Ke sahflahiyac uh, srihklaciyacn fahkwack ke luhngse nuh sin God ac mwet lal fah tiacna ahkoekuhtlac nuh ke moul ma pahtpaht yurin God. Kac, ke Jisus El luti, “tia mwet nukewa ma pangonyu ‘Leum, Leum’ ac fah ilyak nu in Tokosrai lun kusrao, a elos na su oru ma lungse lun Papa tumuk inkusrao.”7
Meac Tuhkuh tukun Luhngse?
Top nuh ke kihsensiyuck sacn “Tukun luhngse, na meac?” kuh in fihsrwacsr ac suwohs. Fin kuht luhngse na pwacye Mwet Lahngo, kuht sang insiyacsr nuh Sel ac na fahsr tukun innek luhn mwet tuhma lutlut. Ke pacl kuht luhngse God, kuht fah kampare in karuhnguhnwacng masap Lal.8
Fin kuht luhngse na pwacye mwet wiyacsr, kuht saplakyang in kahsrwelos, “mwet suhkahsruhp ac enenuh, mwet mas ac kweok.”9 Nuh selos suc oruh mukwikwi in kahsruh ke luhngse ac kuhlwacnsap,10 mwet ingacn pacna pa mwet tuhma lutlut luhn Jisus Kraist.
Pa inge ma ac tuhkuh tukun luhngse.
Pa inge yohk srihpaciyacn wosasuc luhn Jisus Kraist.
© 2016 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lwenglah luhn First Presidency Message, September 2016. Kosraean. 12869 868
Luti ke Pweng Se Inge
Prestuhn Uchtdorf el ahkuhtweyac mwet tuhma lutlut pwacye luhn Jisus Kraist oacna elos suc ahkkahlwemye luhngse lalos nuh Sel ac nuh sin mwet sahyac ke orekma lalos uh. El luti nuh sesr lah “fin kuht luhngse na pwacye Mwet Lahngo, kuht sang insiyacsr nuh Sel ac na kuht fahsr inkacnek luhn mwet tuhma lutlut.” Nuhnkuh in siyuck sin mwet kowos luti an lah ohiyac fuhkah ma luhngse uh pahtokuhlos in fahsr ke innek luhn mwet tuhma lutlut uh. Kom kuh in akacsruhi ohiyac kom puhlakihn an nuh selos pac. Kom fah nuhnkuh in solwaclos in pruhe nuh ke luhngse muhtahl ac kuh in oruh ke srihpen luhngse.