Klumech er a Oldingel e Olisechakl, Ongetiu el Buil 2016
A Klechedam ma Klechedil a Chedaol el Ngerachel
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng meke ra klmedengei er kau er sel “Telungalek: Chais el mora Beluulechad” a bo le oisisii a klaumera er kau er a Dios e bo lomekngeltengat er tirkel moldingel er tir lokiu odingel me a osisechakl? A lmuut el bebil er a omesodel, e bo er a reliefsociety.lds.org.
A Demad er a Babeluades a milkdebechii a telungalek el mo olngeseu er kid lolsisechakl a meral kerbai er a chelsel a ungil teletael. A President Thomas S. Monson a millekoi: “Bom delii a ungil tekoi er a ngelekem e bechulii; e mdu rengii el kmo, ‘Ak kot el betik a renguk er kau; e blechoel loureng a saul. Lak becherei a mondai el kirel mesmechokl me bol ngaruchei ra chad el kau a betik a rengum er ngii.”1
A Susan W. Tanner, el mle oungerachel er a cherrengelel a Young Women, a ulsisechakl: “A Demad er a Babeluades a olechotel a blekeradel el kired el loltirakl er ngii. Ngii a betik a rengul er kid, olsisechakl er kid, klou a rengul el kired, e mechikid me kede mimokl el melilt. … Sel bebil ea omesemechokl, el ngii a belkul a kmo ‘osisecheklii,’ a de mecheuid er ngii me a omelekoi el kngtil a chad. A rengalek—ma dirrek el bek el chad el kakerous a rekrir—a menga el moungil a blekerdelir lokiu a beltikelreng ma omekduch el reng er a bai dosiik a telemellir.”2
“Sel blak a rengud er a nglunguuch er a telungalek, omesubel chedaol llechukl, ongdibel er a telungalek, klengeltengat ra priesthood, ma omengull er a Chedaolsils,” ng millekoi a Elder Quentin L. Cook er a Chelechad er a Teruich ma Terung el Apostol, “a rengeleked a mo … keltmokl el mo er sel blilir el mocherechar, el diak el iior er a ikel modubech el me er tir er tial meringel el beluulechad.”3
Bebil er a Bades
1 Nephi 8:37; 3 Nephi 22:13; Doctrine and Covenants 93:40; 121:41
Meral Cheldecheduch
“Ak milenguiu er a simbung ea ngelekel a ngelekek a mle ultuir er ngak,” ng millekoi a Elder Robert D. Hales er a Chelechad er a Teruich ma Terung el Apostol. “Sera kunguiu, e ng mle ungil a renguk lorrenges er ngii loubeketekoi ra bita er ngak. Ak kilebetiekl er a, telkib el taem er uriul, e ng tiluu er a delongelek ngak me tial simbung. Ng mlo tikeuii a medak e merekedii a isngel er a isngek, e uleker, ‘Chedam! Kau ke ngar tiang?’
“… Selngar tianga belkul a kmo kede ungil medengei a rengrir a rengeasek e meduch er tir. Sel de meduch er tir a belkul a diak di de kadecheduch kid me tir kede bai meruul a kmong ngerang lobengterir el dirrek. …
“Ng kired el mdasu a bodoruul e olsisechakl sel ngarngii a techall. …
“… A omerollel a klengar er ngak el mong, e ak meral sebechek el mes a techall er a osisechakl er se er ak ngeasek, oumesind er ngii a ikel mla ra delak ma demak, el ngii a mla chodechulak el mo ngkel ngii a ngak er chelechang.”4
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/16. Kengei er a oidel: 6/16. Oidel a Visiting Teaching Message, September 2016. Palauan. 12869 881
Ka Momdasu er Tiang
Ngera uchul ma ebangkelio a ungil mosisechakl er a tekoi me a blekeradel el mengai er a beltikelreng?