Shoko reDzidziso yeKushanyirana, Gunyana 2016
Hubereki iBasa Rinoyera
Nemunamato dzidza chinyorwa chino uye wotsvaga femero yekuziva izvo zvekugovera. Kunzwisisa “Mhuri: Chiziviso kuNyika” kunozowedzera sei rutendo rwako muna Mwari nekuropafadza avo vaunotaririra kuburikidza nedzidziso yekushanyirana? Kuwana rumwe ruzivo, enda ku reliefsociety.lds.org.
Baba vedu Vokudenga vakamisa mhuri kutibatsira kudzidzisa misimboti kwayo mumamiriro ezvinhu anorudo. Mutungamiri Thomas S. Monson vakati: “Ipa mwana wako rumbidzo uye mumbundire; iti, ‘ndinokuda’ kakawanda; nguva dzose taura kutenda kwako. Usamboita kuti dambudziko rinoda kugadziriswa rive rinonyanya kukosha kupfuura munhu anofanira kudiwa.”1
Susan W. Tanner, uyo waimbova mutungamiri mukuru weVasikana Vechidiki, akadzidzisa kuti: “Baba vedu vari Kudenga muenzaniso wemutoo watinofanira kutevera. Vanotida, vanotidzidzisa, vane moyo murefu nesu, uye vanotipa simba rekuzvisarudzira. … Dzimwe nguva kuraira, uko kunoreva ‘kudzidzisa’, kunovhiringidzwa nekushoropodza. Vana—pamwepo nevanhu vemazera ose—vanozonatsa maitiro avo nokukurumidza nokuda kwerudo nekuridziro kupinda kubva mukushoropodzwa.”2
“Kana tikatendeka pakuita munamato wemhuri, pakunzvera magwaro matsvene, pakuita nguva yemhuri pamba, pakupa maropafadzo ehupirisita, uye pakuchengetedza zuva reSabata,” vakadaro Gosa Quentin L. Cook veChikwata cheVaapositora vane Gumi neVaviri, “vana vedu vanozova… vakagadzirira kupinda mumba mokusingaperi kudenga, zvisinei nezvinozoitika kwavari munyika inonetsa.”3
ZvimweZvinyorwaZvitsvene
1 Nifai 8:37; 3 Nifai 22:13; Dzidziso neZvibvumirano 93:40; 121:41
Nyaya dzeVanhu Vanorarama Nhasi
“Ndakanga ndichiverenga pepanhau apo mumwe wevazukuru komana vangu vadiki akauya akagara pedyo neni,” vakadaro Gosa Robert D. Hales veChikwata cheVaapositora vane Gumi neVaviri. “Apo pandaiverenga, ndakafara zvikuru kunzwa inzwi rake rinotapira richitaura pandaiveri. Fungai kushamiswa kwangu apo, chinguva chidiki pashure, akauya akamira pakati pangu nepepanhau randakanga ndakabata. Achibata chiso changu nemaoko ake uye achiisa mhuno yake paneyangu, akabvunza, ‘Sekuru! Muripo here?’
“… Kuva po zvinoreva kunzwisisa mwoyo yevechidiki vedu uye kuyanana navo. Uye kuyanana navo zvinoreva kwete kungotaurirana navo asi kuitawo zvinhu navo. …
“Tinofanira kuronga nokutora mukana wenguva dzokudzidzisa. …
“… Nokureba kunoita nguva yandinorarama, ndinonyanyawo kuona kuti nguva dzokudzidzisa munguva dzoudiki hwangu, kunyanya idzo dzaipuwa nevabereki vangu, dzakaumba upenyu hwangu uye dzikandiita munhu wandiri.”4
© 2016 ne Intellectual Reserve, Inc. Ndiyo chete inekodzero dziripamutemo dzekushandiswa kwechinyorwa chino. Chakadhindwa muUSA. Mvumo yeMuchirungu: 6/16. Mvumo yedudziro 6/16 Dudziro ye Visiting Teaching Message, September 2016. Shona. 12869 731
Funga Izvi
Sei vhangeri richidzidziswa zvakanyanyonaka nerurimi nemuenzaniso werudo?