Mwet Fuhsr

E ac Lesin ke Ahkostwen

Prestuhn Thomas S. Monson el sruhmuhn sie pacl ah ke el lotwelah ma yohk ke ahkostwen uh. Ke el matwac yac oalkosr, sucu lal som muhta ke lohm sahk selosfinohl ah. El ac kawuck lal ke eslah mah ke acn sac in oraclah sie e in kacm. Elos srihke in fihf mah ke paholos, in ul ke kuhiyaclos nohfohn, tuhsruhktuh ma elos fihs inge nohfohn suhfal nuh ke luhngse lalos. Prestuhn Monson el ahkuhtweyac, “Na ma se nga nuhnkuh muh pa wo emet in orek ah tuhkuh nuh in mwe nuhnak luhn matwac yac alkosr se luhk ah. Nga fahk nuh sel Danny, ‘Pwacna ma kuht enenuh in oruh pa in fuhrreack mah inge. Kuht ac fuhrreack na sie raun an ke mah inge!’”

Finne el etuh lah el tiac lwelah in orekmakihn mactsis uh, el kahsruhsr nuh ke lohm sahk sac in eis kuhtuh, ac el ac Danny oraclah e srihsrihk se ke acn mahmah sac. Elos pahngon e sac kuh in sifacna kunlac, tuhsruhktuh yohkwaclihk nuh ke e luhlahp ac sensen se. El ac Danny kahsruhsr in sokwack kahsruh, ac tiac paht mwet mahtuh uh kahsruhsr in konwelah e sac met liki sun sahk ah.

Prestuhn Monson el kalweni fahk, “Nga ac Danny lotwelah kuhtuh lesin upac tuhsruhk yohk srihpac ekahsr ke lwen sac—ip yohk se kac ah pa yohk srihpaciyacn ahkostwen.” (Liye “Obedience Brings Blessings,” Liahona, Mei 2013, 89–90.)

Oacna Prestuhn Monson, yac oasr pacl kom lotwelah lesin se ke ahkostwen ke inkacnek upac? Meac finsrak kom kuh in oraclah in karihngihn kom sifacna in sef nuh ke ahkostwen nuh ke pacl fahsruh?