Klumech er a Oldingel e Olsisechakl, Ongeteruich el Buil 2016
A Telungalek a Cheledaol er a Dios
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera klmedengei er kau er sel “Telungalek: Chais el mora Beluulechad” a bo le oisisii a klaumera er kau er a Dios e bo lomekngeltengat er tirkel moldingel er tir lokiu odingel me a osisechakl? A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngesou
“Ngara ikel tekoi ra [chelitakl ra Primary], ‘The Family Is of God,’ … e ke de muklatk er a klikiid el losisechakl,” ng melekoi a Carole M. Stephens, Kot el Counselor ra Relief Society General Presidency. “Ng diak di dosuub el kmo a telungalek a mlara Dios ng dirrek el kmo kid el rokui el tebedechel a telungalek er a Dios. …
“… Sel luldesuel a Chedam el kirel a Rengelekel a uldasu er a beltikelreng. Ng uldasu el moldak er a Rengelekel—telungalek er Ngii—el mo obengkel.”1
A Elder L. Tom Perry (1922–2015) ra Cheldebechel er a re Teruich ma Terung el Apostol a dilu el kmo: “A ki dirrek el loumerang el kmo a mesisiich el siukang er a telungalek a diak el di luchetemel a chelechad er a klebechel el buai, ng klebechel el keizai, ma klebechel el redemelel a siukang—ng dirrek el luchetemel a chelechad el mora ulebongel el melutk el kirel sel rengedel ma kabelment er a Dios.
“A ki oumerang el kmo a chelechad ma kabelment er a babeluades a mokdubech e lokiu a re telungalek ma re bebil er tir.” 2
“A rokui el chad, el diak el ior ra teletelel a chelebechilir malechub e ng ngidisir a rengelekir, a sebechir el sobecheklii sel uldesuel a Rubak el ulecholt er sel klumech ra re telungalek.” Ng melekoi a Bonnie L. Oscarson, Young Women General President. “Al sekum e ng uldesuel a Dios, e ng dirrek el kirel mo uldesued!”3
Bebil er a Bades
Osisechakl ra Telungalek
A Sister Julie B. Beck, el mle Relief Society General President, a ulsisechakl el kmo a omesubel a tekingel a Chelid er a telungalek a kirel lultuil er sera Lomeob, Rebet, mesel Tngakireng er a Jesus Kristo:
“A Lomeob er a chutem a milsterir a basio el ngar ngii a telungalek e kiei. A Dios a milebii a sechal ma redil el tir a tirkel terung el mlo mechelii a klengar ra telungalek. Ng mle tebedechel a uldesuel a Demad ra Babeluades el kmo a Adam ma Eve bol dak el bechelii a telungalek el mo cherechar.
“… Sel Rebet a mlo uchul meng mlo sebechir el ngar ngii a ngelekir el rsechal ma redil.
“A Tngakireng er a [Kristo] a msang a techall a telungalek me te mo mouak el mo cherechar. Ng mesterir a re telungalek el sebecherir el mukerool el mo cherechar e mecherungel. A uldasu er a deurreng, el dirrek el okodongall el kmo uldasu er a mo suobel, a mle uldasu e ulebeob el kirel a telungalek. …
“… Tiang a mle osisecheklel a Kristo. … Sel lak a telungalek, e ng diak a uldasu; ng diak a belkul tial klengar.”4
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/16. Kengei er a oidel: 6/16. Oidel a Visiting Teaching Message, October 2016. Palauan. 12870 881
Ka Momdasu er Tiang
Ngera uchul ma telungalek a kot el klou a belkul el chelechad er chelechal taem el mo cherechar?