Pweng sin Prestuhnsi Se Met, Nohfuhmpuh 2016
Srui ke Lwen Sahpuht
Sel Prestuhn Henry B. Eyring
Mwet in Kahsruh Se Met ke Prestuhnsi Se Met
Nuh sin Mwet Luhlahlfongi ke Lwen-sahflah, lwen Sahpuht uh el sie pacl, yohkna sie lwen, in srui ac luhngse.
Tamuhlwel ac tahmtahel sacohk wiyuck suc muhta fin facluh nohfohn ke Alu luhn Jisus Kraist luhn Mwet Luhlahlfongi ke Lwen-sahflah. Nga srui lah Prestuhn Thomas S. Monson el tuh siyuck nga in sramsram ke toeni ke lwen Sahpuht se inge. Nga pruhe tuh Nguhn Muhtahl in fah us kahs luhk uh nuh ke insiowos.
Mihsenge nga ke sramsram ke puhla luhn insiyac uh. Ma se ngwac sramsram yohk kac uh pa srui—yohkna ke lwen Sahpuht uh.
Kuht puhla srui ke ma puhs: kuhlwacng luhn sie mwet sac, mongo ke kuht masrinsrwacl, oasr lohm paho sun kuhti ke pacl pahkah uh sikyak, sri kaptwelihk ma wolac, ac tuhng fokoko luhn sie ahwowo sasuc. Puhs sesr ac fah esam ke kuht puhla srui ke kain pacl ingacn.
Nuh sin Mwet Luhlahlfongi ke Lwen-sahflah, lwen Sahpuht uh el sie pacl, yohkna sie lwen, in srui ac luhngse. Leum El sapkihn Mwet Luhlahlfongi fin acn Jackson County, Missouri, ke 1831 lah pruhe ac kuloh lalos enenuh in suhpweyuck nuh lucng inkuhsrao. Mwet Luhlahlfongi met ah elos eis sie fwackyuck lah elos liyacacng fuhkah lwen Sahpuht ac elos lalo ac pruhe fuhkah.1
Elos, ac kuht, lutiyuck sin Leum fuhkah in kaksak ac sang kuloh ke lwen Sahpuht. Oacna kowos kuh in liye, ma yohk srihpac uh pa luhngse kuht puhla nuh sin mwet sang mwe sang uh. Pa inge kahs luhn Leum ke ohiyac fuhkah se in sang kuloh ac luhngse ke lwen Sahpuht:
Nga sang nuh selos sie masap, fahk: Kuht enenuh in luhngse Leum God lasr ke insiacsr nohfohn, kuhiyacsr nohfohn, ac nuhnkwacsr ac kuh lasr; ac ke inen Jisus Kraist kuht enenuh in kuhlwacnsapwacl. …
“Kowos enenuh in sang kuloh nuh sin Leum God lowos ke ma nuhkwewa.
“Kowos in oruh sie kihsac nuh sin Leum God lowos ke suwohs, finne ke sie inse muhsahl ac sie auliyak na pwacye.”2
Ac na, Leum El fahk kuhtuh pac in sensenkackihn ke mwe sensen kuht in tiac sang kuloh nuh sin Pahpah Lucng ac Jisus Kraist oacna mwet suc use mwe sang ke El fahk muh wacngihn ma mwet uh ahkkasrkuhsrakye God, kuh wacngihn ac tiac puhla ahkkasrkuhsrak Lal, sahyacn elos suc tiac ahkkahlwemye Pahol in ma nuhkwewa, ac suc tiac ahkos masap Lal.3
Puhs suwos suc lohng sokwack engan ke lwen Sahpuht tari oacna sie lwen in esam ac sang kuloh nuh sin God ke mwe insewowo. Kowos esam on etweyuck inge:
Fin kihpackwot kihpackme kowos ke noatuh luhn moul,
Fin ahkmuhnahsyeyuck kowos, nuhnkuh muh ma nuhkwewa tuhlac,
Oacklah mwe insewowo puhs lowos; kais sie,
Ac fah ahklutye kowos ma Leum El tuh oruh ah.
Oek Mwe Insewowo Lom;
Oacklah kais sie.
Oek Mwe Insewowo Lom;
Liye ma God El tuh oruh ah. …
Kuh oasr pacl kowos toasr ke ma upac uh?
Ac luhman toasr na pwacye ma utuckoht nuh suwos uh?
Oacklah mwe insewowo lowos; suhlahlahlfongi lowos ac wacngihnlac,
Ac kowos ac fah on lwen, ne ke lwen, ne ke lwen.4
Nga eis lwacta ac muhtwacta sin Mwet luhlahlfongi ke Lwen Sahflah suc puhla toasr ke mwe elyah nwackuhloslac. Kuhtuh selos apkuhran in puhla muh, nuh selos ma nuhkwewa tuhlac. Nga finsrak ac pruhe tuh ma ngwac fahk ke in srui ke lwen Sahpuht uh fah kahsruh suhlahlahlfongi uh in wacngihnlac ac tuh on uh in sruhkwack insiowos.
Sie mwe insewowo ma kuht ac srui kac uh pa kuht oasr ke miting in sackracmacn, tuhkweni wi mwet sap luo yak Lal ke Inel. Oasr kuhtuh mwet ma oasr na in lohm selos ma tiac kuh in tuhkahkwek liki pet kiyaclos. Oasr pac kuhtuh suc ma ke oasr ke acn ma kuht oasr we tuhsruhk elos kuhlwacnsap lun lohm ono ac kahsruh in sang nuh sin puhplihk ac suc ma loangwekuht ke moul in sensen lalos ke nien mwesis kuh inimac. Ma pwacye se lah kuht kuh in tuhkweni wi finne sie mempucr ac ipeis ke kuhfa luhn Leum ac kahsrwe kuht in muhtwacwacack puhla srui ac luhngse ke kuhlwacng luhn God.
Ke srihpen Mwet Pahluh Joseph Smith ac wosasuc fohlohkyak uh, siepac mwe insewowo kuht kuh in wacklah uh pa pacl wowo lasr in ipeis ke kuhfa luhn Leum kais sie wik—ahkoeyucklac, ahkinsewowoyeyuck, ac kihtaclihk sin mwet kuhlwacnsap luhn God ma oasr wal la. Kuht kuh in srui ke pacl ma Nguhn Muhtahl ahkpwacye nuh sesr muh kahs luhn pruhe ke kuhfa luhn Leum, sruhmuhn-yuck sin mwet sruok pristut ke wal, ac ahkfuhlwactyeyuck sin Pahpah tuhmasr Inkuhsrao.
Ke mwe insewowo nuh kwewa kuht kuh in wek, ma wo emet uh pa puhla ke nuhnak muhnahs ma tuhkuh ke kuht ipeis ke kuhfa luhn Leum. Kuht ac puhla luhngse yohk ac srui ke Mwet Lahngo, suc kihsac netok lal oruh kuh in oasr iyucklac luhn ma koluk lasr. Ke kuht ipeis ke puhret ac kof uh, kuht ac esam lah El kweok kacsr. Ac ke kuht puhla srui nuh ke ma El oraclah nuh sesr uh, kuht fah puhla luhngse Lal nuh sesr ac luhngse lasr nuh Sel.
Mwe insewowo ke luhngse kuht eis fah oruh fihsrwacsr nuh sesr in liyacacng masap in “esamuhl pacl nuhkwewa.”5 Sahp kowos ac puhla pac luhngse ac srui, ke nga oruh, nuh ke Nguhn Muhtahl, suc Pahpah tuhmasr Inkuhsrao El olwelah ac fah wi kuht pacl nuhkwewa ke kuht luhlahlfongi nuh ke olwelah ma kuht oraclah. Kuht kuh in wacklah mwe insewowo ingacn nuh kwewa kais sie Sacnri ac puhla srui.
Lwen Sahpuht uh oacyacpac pa pacl na wowo se in esam olweacng kuht oraclah ke kof in pacptais in luhngse ac kuhlwacnsapuh tuhlihk nuhtin Pahpah Lucng. Ahkfalye olwelah se ingacn ke lwen Sahpuht fah oruh in wi pac kuhlahs kuh quorum ke inse pwacye kowos in kuh in muhsaheack luhlahlfongi ac luhngse inmahsrlon mwet wiowos. Olwelah sacn pac fah weacng in engan in ahkfalye pahng lowos an.
Nga srui na pwacye ke Sacnri puhs ma nga luti u luhn tikin fin acn Bountiful, Utah, oacyacpac kuhlahs luhn Sacnri Skul se fin acn Idaho. Ac nga esam pac ke pacl nga kuhlwacnsap ekihn mwet kahsruh se nuh sin muhtwacn kiyuck ke u luhn tuhlihk srihsrihk, suc yohkna orekma luhk uh pa in kihtaclihk kuhfwen mwe sritacl ac sruhkwack.
Ac lusen yac puhs met liki nga akihlen sin Nguhn muh kuhlwacnsap srihsrihk luhk uh yohk srihpac nuh sin Leum nuh ke moul luhn tuhlihk nuhtin Pahpah Lucng uh. Ac ke lut luhk, kuhtuh selos esam ac sang kuloh nuh sihk ke orekma nihkihn luhk in kuhlwacnsuhpwaclos ke srihpacn Mwet Luti ke lwen Sahpuht pacl sac.
Oacna ke kuhtuh pacl kuht tiac kuh in liye ma tuhkuh tok ke kuhlwacnsap lasr ke lwen Sahpuht, sahp kuht ac tiac pac liye orekma luhn mwet kuhlwacnsap sahyac luhn Leum. Tuh Leum El muhsahi tohkohsrahi Lal kahkahsrihk sin mwet shepherd luhlahlfongi ac puhsisacl Lal, tiac ohiyac pwengpweng, nuh ke pacl wolacna fahsruh. Enenuh Nguhn Muhtahl in liye ma kapkapwack yohk.
Nga kapkapwack wi toeni ke kuhfa luhn Leum ke pracns srihsrihk se New Jersey ke mempucr na ekahsr ac sucu sefanna, ma luhk. Yac itngucul limekohsr somlah ah, nga pacptaislac fin acn Philadelphia ke lohm Alu sefanna kuht kuh in som nuh kac fin acn Pennsylvania ac New Jersey. Ma tuh oasr pracns na srihsrihk se fin acn Princeton, New Jersey, ke pacl sacn, oasr ingena ward na luhlahp luo. Ac lwen ekahsr tari ah, tausin sin mwet fuhsr uh oraclah mwe ahkfuhlwact se met liki akmuhsra se luhn Tempuhl Philadelphia Pennsylvania.
Ke nga mukul fuhsr ah, nga pahngonyuck in oacna tistrik misineri ke kuht alu ke Sacnri ke lohm alu sefanna fin acn Albuquerque, New Mexico. Mihsenge oasr tempuhl se ac stek ahkosr we.
Nga som liki acn Albuquerque in som wi lutlut fin acn Cambridge, Massachusetts. Oasr lohm alu sefanna ac tistrik sefanna fin acn Massachusetts ac Rhode Island nohfohn. Nga kahsruhsr ke stosah ke finohl srihsrihk kahto puhs fin acn sacn nuh ke toeni luhn kuhfa luhn Leum ke pracns srihsrihk uh, inkaiyac an ma oreklac ke lohm ren kuh ahkwoyeyucklac srihsrihk. Ingena oasr tempuhl muhtahl luhn God fin acn Belmont, Massachusetts, ac stek ma afuhnlah acn we nohfohn.
Ma nga tiac kuh in liye ke pacl sacn pa lah Leum El acse yohk Nguhn Lal nuh fin mwet ke toeni ke kuhfa luhn Leum ingacn. Nga tuh kuh in puhla, tuh tiac kuh in liye nohfohn ac pacl ma orekma luhn Leum El in muhsaheack ac ahkmuhtahlye tohkohsrahi Lal. Mwet pahluh, ke fwackyuck, liye ac suhmuhslah ma kuht kuh in liye mihsenge. Nephi el fahk muh luhpan mwet lasr uh ac tiac puhkantwen, tuh kahlwem kac uh ac arulacna kahto:
“Ac tukun ma inge nga liye alu luhn Lahm nuhtin God, ac suhpuhs suhna. …
“Ac tukun ma inge nga, Nephi, liye kuh luhn Lahm nuhtin God, puhtati nuh fin mwet luhlahlfongi ke alu luhn Lahm, ac nuh fin mwet wuhlweacng luhn Leum, suc fahsrelihk nuh fin facluh nohfohn; ac elos nuklac ke suwohswohs ac ke kuh luhn God ke wolacna yohk.”6
Ke fihl in pacl se inge, palye apkuhran oacna sie ahkuhtweyac ke ohiyacsr ac pacl wowo fahsruh sihmihsyuck ke Doctrine and Covenants:
Leum El fahk muh kuht soenna kahlwem ke luhpan mwe insewowo ma Pahpah ke Pahol sifacna ahkolah nuh sesr;
Ac kuht tiac kuh in eis ma inge nohfohn ingena; ne ohinge, kuht enenuh in engan, tuh El ac fah kol kuht. Tohkohsrahi sac ma lasr ac mwe insewowo kac ma lasr, ac ma kahsruhp ke ma pahtpaht ma lasr.
“Ac el suc eis ma nuhkwewa ke kuloh ac fah oreklac in wolacna; ac ma luhn facluh se inge ac fah ituckyang nuh sel, finne pacl siofok, ac kuhtuh pac.”7
Nga tuh puhla lah eklac ke srui sacn kapkapwack ke mwe insewowo ac luhngse luhn God yohkwelihk ke Alu uh. Ac kwacna pihsrpihsr sikyak inmahsrlon mempucr ke Alu uh ke pacl ac acn ma oasr mwe srihkeyuck luhn luhlahlfongi lalos, ke acn ma elos enenuh in ngihsre God ke kahsruh in kalweni in moul.
Pacl kuht fah ahluhkwelah uh fah oasr pacl upac oacna sie nuh ke mwet lal Alma ye kolyuck koluk lal Amulon, suc tuh fihliyac ma toasr fin tohkohlos ma toasr yohk liki ma elos kuh in fahsr kac:
“Ac tukun ma inge tuh puhsren Leum tuhkuh nuh yohrohlos ke ahkkweok nuh selos, fahk: Sruhkwack insifowos nuh lucng ac engan, tuh Nga etuh ke olwelah suc kowos oraclah nuh Sihk; ac Nga fah olwelah nuh sin mwet Luhk ac usacloslac liki srohoh.
“Ac Nga fah oacyacpac ahkmuhlahlahye ma toasr ma oan fin finpusowos, tuh kowos tiac kuh in puhlakihn ke fintukuwos, ke kowos oasr in srohoh uh; ac ma se inge Nga fah oruh tuh kowos in tu oacna mwet loh Keik fahlac, ac tuh kowos in etuh na pwacye lah Nga, Leum God, muhtwacta nuh yurun mwet Luhk ke kweok lalos.
“Ac tukun ma inge tuh ma toasr ma likiyucki facl Alma ac mwet wiyacl ac muhlahlahi; ahok, Leum El ahkkweyelos tuh elos in akacsruhi tuh ma toasr lalos in fihsrwacsr, ac elos oruh ke engan ac ke muhtweng nuh ke luhngse nuhkwewa luhn Leum.8
Kowos ac nga mwet loh lah ke pacl nuhkwewa kuht liyacacng olwelah lasr yurin God, yohk ke pacl upac uh, El tuh lohng pruhe kuloh lasr ke ma El tuh oraclah tari kacsr ac tuh topuk pruhe lasr ke kuh in muhtweng ke luhlahlfongi. Ac puhs liki pacl sefanna El tuh ahkenganye kuht oacyacpac ahkkweye kowos.
Kowos sahp nuhnkuh ke ma kowos kuh in oruh in moul ac kaksak ke lwen Sahpuht se inge in ahkkahlwemye srui lowos ac in ahkkweye kowos sifacna ac mwet sahyac ke mwe srihkeyuck fahsruh.
Kowos kuh in muhtwacwacack mihsenge ke sifacna pruhe se ac yurun sucu sang kuloh ke ma nuhkwewa God El tuh oruh nuh suwos. Kowos kuh in pruhe in etuh ma Leum El kena kowos in oruh in kuhlwacnsuhpwacl ac mwet sahyac. Yohk srihpac, kowos kuh in pruhe tuh Nguhn Muhtahl in kuh in fahk nuh suwos ke mwet se suc muhkahimtacl kuh suc enenuh ma Leum El kena kowos in som kahsruh.
Nga kuh in olwelah nuh suwos muh pruhe lowos an ac fah topukyuck, ac ke kowos orekma ke top ma kowos fah eis, kowos ac fah konwacack engan ke lwen Sahpuht, ac insiowos fah sesseslah ke sang kuloh.
Nga fahkwack lah Pahpah God El etwe kowos ac luhngse kowos. Mwet Lahngo, Leum Jisus Kraist, El iwe ma koluk lowos ke luhngse nuh suwos. Elos etuh inewos oacna Elos etuh inen Mwet Pahluh Joseph ke Elos sikyang nuh sel. Nga fahkwack lah pa inge Alu luhn Jisus Kraist ac lah El ac fah ahkfuhlwactye olweacng kowos oraclah ac ahksasucyaclah yurin God. Ma pwacye lowos uh fah eklac in oacna Mwet Lahngo. Kowos fah ahkfokokoyeyuck lain mwe sruhf ac lain puhla ke tahfuh luo ke ma pwacye uh. Kowos fah sokwack engan ke lwen Sahpuht. Nga olwelah nuh suwos ke inen Leum Jisus Kraist, amen.
© 2016 sel Intellectual Reserve, Inc. Kuh ac suwohs nuhkwewa ahkkweyeyucklac. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lwenglah luhn First Presidency Message, November 2016. Kosraean. 12871 868