Etop eke Visiting Teaching, Ofiong Duopekiet ke isua 2016
Eti Usung emi adade aka Inemesit
Emi otode President Thomas S. Monson
Eti Usung emi adade aka Inemesit Ami nno iko ntiense mbanga akwa eno emi edide uduak eke Ete enyenede ono nnyin.
Oro edi eti usung kiet emi adade ekesim emem ye inemesit.
Ndima ndito-eka mi irenowo ye iban, emi edude mi ke Ebiet Mbono emi ye ke ofuri ererimbot, ami mmekop inemesit ke ufang man ami nting ekikere mi nno mbufo ke usenubok emi. Ke usiere usenubok kiet ami mma nka ebiet emi Mormon Pavilion okodude ke itie ediwut oro. Ami mma nkesim do mbemiso ediwut osio-osio ndise Ufok Abasi eke Owo Odungode-oyom Inemesit, emi ebietde uduak erinyanga eke ofuri ufok Abasi etimde ediongo. Ami nketie mkpere akparawa kiet emi ekedide isua Edip-ye-efut. Nnyin ima ineme-nneme ke esisit ini. Enye ikedige owo ufok Abasi nnyin. Ekem edisuhore ikang oro, ndien etongo edisio ndise oro.
Nnyin ima ikop uyo eke eting-iko nte enye obupde mme akpan mbume emi ebehede ofuri owo ete: Ami nkoto mmong ndi mi? Nsidi ntak eke ami ndude mi ke isong? Mmong ke ami ndika ke ami mma mkpong uwem emi? Kpukpru owo ke ufok oro ekeyom ndikop iboro, ndien etim ese ndise emi ewutde. Ema ewut nte nnyin ikedude ke ererimbot nkang spirit, dian ye edinam ntak eke nnyin idude ke isong emi anwanga. Nnyin ima ikut nte esiode-ewut akamba erenowo kiet okokpongde uwem emi ye oyoho idara ubong ke ndifiak-nkesobo ye mbon ima esie emi ema ekebem enye iso ekpa enyong-eka ererimbot nkang spirit.
Ke utit ediye edimen-nwut uduak eke Ete ke Enyong emi nno nnyin, otuowo ema esanga-eworo ke ubetufok oro, ama otuk ediwak owo ke idem abanga etop eke ndise emi. Ekpri esenowo emi eketiede ekpere ikadahake-ida. Ami mbup enye mme ediwut oro ama enem enye. Akpan iboro esie ekedi: “Se ewut emi edi akpaniko!”
Mme okworo-iko Abasi ke ofuri ererimbot ke ekpeb uduak emi Ete nnyin enyenede abanga inemesit ye eriyanga nnyin. Idige kpukpru mme andikop edisana etop emi enyime enyung emek nditiene etop oro. Nte ededi, irenowo ye iban ke kpukpru ebiet, ukem nte ekpri ufan oro ke World’s Fair eke New York oro, ema okut akpaniko oro, ndien mmo esongo emek nditiene usung emi edidade mmo ikesim ufok ke ifure. Uwem mmo edikpuho ke nsinsi.
Andinyanga nnyin, Jesus Christ edi akpan-nkpo ke uduak emi. Ke uwa ufak Esie miduhe, kpukpru owo ekpetak Nte ededi, ikemke, ke ndinim Enye ye utom Esie ke akpaniko. Nnyin inyene ndisin-ifik nnyung mkpeb-nkpo, idungo inyung ibong-akam, ikabare-esit inyung inam-ofon. Nnyin inyene ndidiongo mbet Abasi inyung inam mmo. Nnyin inyene ndibo mme edinam erinyanga Esie. Ke edi-nam ntre kpot ke nnyin idinyene ata eti, nsinsi iemesit.
Nnyin imefon-iso ke ndinyene akpaniko oro. Nnyin imenyene ubiong-utom ke ndibuana akpaniko oro. Yak nnyin inam akpaniko oro man nnyin idikeme ndibo ofuri edidiong se Ete enyenede ono nnyin. Enye inamke nkpo ndomokiet ke mibohoke ke ufon idem nnyin. Ndien oto koro, nte Enye eketingde abanga Idemesie ete, “Emi edi utom ye ubong Mi—man owo akan mkpa ikpokidem onyung enyene nsinsi uwem.”1
Ke ata ofuri ukpong mi, ye ke ata nsuhore-idem, ami nno iko ntiense mbanga akwa eno eke edide uduak emi Ete enyenede ono nnyin. Oro edi ata eti usung emi adade ekesim emem ye inemesit ke isong emi ye ererimbot eke edidide.
Ndito-eka mi irenowo ye iban, ami mmeyak ima ye edidiong mi nno mbufo ke nte ami ntrede etop mi, ndien ami nnam oro ke enying Andinyanga ye Andifak nnyin, kpa Jesus Christ, amen.
© 2016 eketode Intellectual Reserve, Inc. Emenim kpukpru unen. Ekeming ke USA. Enyime edikabare ke Iko Mbakara: 6/16. Enyime edikabarel: 6/16. Edikabare Etop eke Visiting Teaching Message, November 2016. Efik. 12871 553