Klumech er a Oldingel e Olisechakl, Ongeteruich ma tal buil 2016
Sel Cherrungel el Rael el mo er a Deureng
Mla er a President Thomas S. Monson
Ak sioning el kirel a kmal ungil el sengk el ngii a sel uldasuel a Chedam el kired. Ng sel di chimong el tokubets el rael el mo er a budech me a deureng.
Betik er a renguk el rodam me a rodos er ngak, kemiu el ngar tial Conference Center me a renga er a beluulechad el rokir, ak mereng a saul er a techall el bo kuchais er kemiu a nga er a uldesuek er chelechal tutau.
Okeim me a eru el rak er a memong, er a 1964, e ng mlar ngii a urerek er a beluu er a New York City er sel taem e ng mlar ngii a World’s Fair. A tal kmal dirk tutau e ak mlo oldingel er a Mormon Pavilion er tial himbiokai. Ak mlong ruchei er a lorrael er a katsudo er a Ikelesia el Man’s Search for Happiness, el ngii olecholt er a uldasou el kirel a mo suobel el mla mo merael chisel katsudo er a Ikelesia. Ak mlo dengchokl er a bita er a ngeasek el chad el locha nga er a okedei me a eim a rekil. A ki mle telkib el chadecheduch. Ng dimlak el chedal a Ikelesia er kid. Ng mocha kekerei a kerdel a dengki, me a katsudo omechelang.
Aki ulerrenges er a ngerel a chad el mengedecheduch el loker aikal meklou a belkul ker: Ak mla er ker el mei? Ngera uchul me ak ngar tiang? E mo er ker sel bo kikrii tial klengar? A rokui el ding a millasem lorrenges a nger, me a bek el mad a kmal di mle ngellolem lomes a siasing. A omesodel a klengar kid ruchei a mle chemolt, lobengkel a omesodel a klengar kid er a beluulechad. Aki milsa siasing er a rubak el mla mad e merael tobeda er tial beluulechad me sel klebokel klaseues er ngii me a rebetik er a rengul el di mla merael ruchei er ngii el mo er a belurir a redeleb.
A bocha el merek tial klebokel el osengel a uldesuel a Chedam er a Babeluades el kired, e tial seked er a rechad a kmal di mle chelellakl e merael mo tuobed, el betok er tir a kmal mlo melchesuar a tekoi el mla er tial katsudo. Ngika el ngeasek el chad el dilengchokl er bita er ngak a dimlak el bekiis. A kuleker el kmo ng mle soal tial katsudo. Ng mle smiich a nger er ngii: “Tiang a klemrang!”
A uldesuel a Demad el kirel a deureng er kid me a osebeled a muchais lokiu a remisionari er kid er a beluulechad el rokir. Ng diak el rokui el rongesii tial chedaol klumech a kongei el nguu. E ng di, a rsechal me a redil er a ngii di el ker, el di uai ngike el ngeasek el sechelik er a New York World’s Fair, a miltebengar a klemerang er a chelsel, e tir a melilt el mo ngar sel rael el ngoiteterir el mo remei. A klengar tir a dimereko el mengodech.
Ngike el kmal klou a belkul er a chelsel tial uldasou a Osobeled, el Jesus Krsito. A lak a tngakireng er Ngii, e a rokui a di mo remiid. Ng uaisei, el diak el klebechel, a di bo doumerang er Ngii me a Urerel el merekong. Ng kired el mo oureor e mesuub, osiik e meluluuch, ouchel a rengud e mo ungil. Ng kired el mo medengei a llechul a Dios e kiei el oltirakl. Ng kired el mo ngmai aikel chedaol ruoll el Tekingel el mo olsobel er kid. Sel bo doruul el uaisei e kid a mo nguu a merang, e diak a ulebengelel el deureng.
Kede ngeltengat lolab a klemerang. Kede mla nguu a meirei el mo omerk er tial klemerang. Mei e bo de kiei loltirakl er a klemerang, me bo de ngai a ikel rokui lolab a Chedam. A rokui loruul a kmal di mo klungioled. Ngii a mla kmu er kid el kmo a urerel me a klebkellel—a mo mesterir a rengelekl a chad a diak luut el kodall me a diak a ulebengelel klengar.1
Meng meral nga er a chelsel a renguk e oba ngariou el reng, e a kuchais el kirel a ngarbab el sengk el ngii a uldesuel a Chedam el kired. Ng di chimol cherrungel el rael el kirel a budech me a deureng er tial klengar me sel merael mei el klengar.
Rodam me a rodos er ngak, ak meskemiu a beltkil a renguk me a klengeltengat er ngak er chelechal kungesimer er a cheldechedechak, e dmung el nga er a ngklel a Osobel e Olsobel, el ngii a Jesus Kristo, amen.
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/16. Kengei er a oidel: 6/16. Oidel a Visiting Teaching Message, November 2016. Palauan. 12871 881