Agtutubo

Kasano a Malaglagipmonto ti Mangisalakan iti Daytoy a Lawas?

Allukoyennatayo ni Presidente Eyring a “mangpili a manglaglagip iti [Mangisalakan] iti wagas a kasayaatan a mangyasideg iti pusoyo Kenkuana.”

Kasano nga aramidem ti “kanayon a manglaglagip Kenkuana” iti makalawas (kitaen iti DkK 20:77, 79)?

Adda kadi dagiti paggugustoyo a nasantuan a kasuratan maipapan ti Mangisalakan? Mabalinyo a markaan ti naiduma a nasantuan a kasuratan iti tunggal aldaw iti daytoy a lawas ket ibinglayyo daytoy iti maysa a tao.

Agkantakayo kadi iti panunotyo iti maysa a himno wenno sabali pay a makaparegta a kanta no maup-upaykayo? Mabalin a pumilikayo iti maysa a naipangpangruna maipapan ti Mangisalakan iti daytoy a lawas.

Ut-utobenyo kadi ti biag ti Mangisalakan ken ti pangsubbot a sakripisiona kabayatan ti sakramento iti tunggal lawas? Mabalinyo ti agsagana para iti sakramento babaen ti pananglagipyo kadagiti piliyo iti makalawas tapno kanayon a manglaglagip iti Mangisalakan ken panagbabawi kadagiti panawen a panangikarigatanyo.

Inkararaganyo kadi dagiti gundaway a mangibinglay iti ebanghelio iti tunggal aldaw? Ikarigatanyo a maaddaan iti paglilinnawagan maipapan ti ebanghelio iti daytoy a lawas a mangipamaysa iti Mangisalakan. Mabalinyo nga iburay ti pammaneknekyo maipapan ti Mangisalakan kabayatan ti family home evening wenno makisarita iti maysa a gayyem iti pagadalan maipapan ti padasmo iti simbaan.

Agaramid iit maysa a panggep a tun-oyen a manglaglagip iti Mangisalakan iti naisangsangayan a wagas iti daytoy a lawas. Ibagayo iti maysa a naganak, kabsat, dadaulo, wenno gayyem maipapan ti panggepmo a tun-oyen. Iti udi ti lawas, ibagam kadakuada no ania ti napasamak. Agpadakayo a makariknanto iti talna ken ragsak kas iti insarita ni Presidente Eyring.