Iwaad

Didie Ke Mbufo Editi Andinyanga Ke Udua Emi?

President Eyring osongo nnyin idem ete “imek man iti [Andinyanga] ke usung emi editimde ida esit nnyin itiene Enye.”

Didie ke mbufo “esiti Enye kpukpru ini” ke ofuri udua (ke se D&C 20:77, 79)?

Nte mbufo emenyene akpan itie nwed Abasi emi mbufo emade kabanga Andinyanga? Mbufo emekeme ndinim idiongo ke itie nwed Abasi efen k’usen-k’usen ke udua emi enyung ebuana oro ye owo efen.

Nte mbufo emesikwo ikwo mme oruk ikwo efen ke esit kini spirit mbufo okopde ndobo? Nte ededi mek nkpo kiet emi etimde eting abanga Andinyanga ke udua emi.

Nte mbufo emesikere ebanga uwem Andinyanga ye uwa-ufak nwaidem kini udia-Obong ke ofuri udua? Mbufo emekeme ndibenge-idem nno udia-Obong ke nditi mme mbumek mbufo ke ofuri udua man eti Andinyanga ke kpukpru ini enyung etua-mkpofiok ke mme ini emi ekenwanade nditi.

Nte mbufo emesibong akam eyom mme ufang ndibuana iko Abasi k’usen-k’usen? Domo ndinyene nneme iko Abasi emi etingde abanga Andinyanga ke udua emi. Mbufo emekeme nditing iko ntiense mbufo mbanga Andinyanga kini mbono mbubreyo eke ufokemana mme editing iko nno ufan mbufo ke ufoknwed mbanga ifiok-ukpeb kiet emi mbufo ekenyenede ke ufok Abasi.

Nam uduak kiet ke nditi Andinyanga ke asanga-asanga usung ke udua emi. Ting uduak mbufo nno ete ye eka, eyeneka, adausung, mme ufan mbufo. Ke utit udua oro, ting nno mmo se iketibede. Mbufo mbiba eyenyene emem ye inemesit emi President Eyring eketingde abanga.