2016
Ke Edinen-ido ke Edikut Idara ke Ufokemana
December 2016

Etop eke Visiting Teaching, Ofiong Duopeba ke isua 2016

Ke Edinen-ido ke Edikut Idara ke Ufokemana

Bong akam kpeb nkpo emi ndien yom ifiok eke spirit ke ndidiongo se ekpebuanade. Didie ke ndifiok “Ufokemana: Etop emi enode Ererimbot” anam mbuotidem nnyin ke Abasi okori onyung odiong mbon-owo emi mbufo esede-enyin eto ke ndikise iban? Ke oyomde ndifiok awak, ka ke reliefsociety.lds.org.

Mbuotidem, Ufokemana, Unwam

Abasi “okotongo ufokemana man ada inemesit osok nnyin, man anwam nnyin ndikpeb nti ukpebnkpo ke ebiet emi ima odude, ndien man ebenge nnyin idem ono nsinsi uwem.”1 Kabanga “akwa uduak inemesit eke Abasi” (Alma 42:8), President Russell M. Nelson, Adaibuot ke Eboho eke mme Apostles Duopeba, odoho ete ke: “Uduak Abasi emen owut ete ke irenowo ye iban edu ‘man mmo ekpenyene inemesit’ [2 Nephi 2:25]. Inemesit oro edi-di kini nnyin imekde ndidu uwem emi ekemde ye nsinsi uduak eke Abasi.”2

Ufokidung emi Christ odude-ke-esit onono mme akwa ufang man nkori odu. Elder Richard G. Scott (1928–2015) eke Eboho eke mme Apostles Duopeba emen ufokidung emi owut nte kedi “ebiet emi ekpebde iko Abasi, ebiet emi enimde mme ediomo, ye ebiet emi oyohode ye ima,” ebiet emi mme ufokemana ekemede ndidu “uwem nkop-item” enyung ekabare “esongo eda ke iko Abasi Jesus Christ.”3

President Henry B. Eyring, Akpa Onoitem ke First Presidency, odoho ete ke: “Nnyin imekeme ndibiere ete ke nnyin iyenam ofuri se nnyin ikemede ndinam man ibo odudu eke heaven isin ke ufokidung [nnyin].” Ndien nnyin imekeme ndinam ima, utom unwam, nkop-item, ye inemesit okori ke ufokidung nnyin oto ke “[ndito nnyin] edikop iko Abasi ndien enyung edomo ndinam oro ke mbuotidem. Edieke mmo enamde ntre, uduot-obot mmo eyekpuho ke usung emi edidade ikesim inemesit emi mmo eyomde.”4

Ufokemana emi Christ Odude-ke-Esit

Nnyin imenyene mbon emi nnyin idade nte uwutnkpo eke ufok emi Christ odude-ke-esit ke nwed Abasi. Ke ete esie, Lehi ama akakpa, Nephi ama ada ufokemana esie ye mbon efen emi ekenimde ke akpaniko kabanga mme ikpan ye eriyarare Abasi ye mbon emi ekekopde iko Nephi eworo-ekpong isong eke mbon Lamanites. Ke obufa ebiet-idung emi, mbon Nephites ema ekeme ndinim mme item, ewuho ye mbet Abasi ke ofuri nkpo, nte asangade ye ibet Moses (ke se 2 Nephi 5:6–10). Edi kpa kotu mbon Nephites, ke akpatre ubak ema ekabare esong-ibuot.

Ndien kini mbon ufokemana nnyin eworode ekpong usung edinen-ido ke ubakini nte mbon Nephites ekenamde, Elder Scott odoho ete ke ufok emi Christ odude-ke-esit esuk “esuk enono akwa nsongonda eke emem ye uboho ke mme ufokidung nnyin.” Enye eting ete ke “ediwak mfina ye iduoesit edisuk ido-du, edi kpa ke ufot afanikong emi, nnyin iyekeme ndinyene emem ke esit ye akwa inemesit.”5

Mme Ndadian Itie Nwed Abasi Efen

3 John 1:4; 1 Nephi 8:12; 2 Nephi 5:27

© 2016 eketode Intellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/16. Enyime edikabarel: 6/16. Edikabare Etop eke Visiting Teaching Message, December 2016. Efik. 12872 553

Mkpri nwed

  1. Nwed Ndausung Oyoho Iba: Nte Ekamade Ufok Abasi (2010), 1.1.4.

  2. Russell M. Nelson, “Ndo eke Heaven” Liahona, Nov. 2008, 92.

  3. Richard G. Scott, “Man Emem Odu ke Ufok,” Liahona, May 2013, 30,31.

  4. Henry B. Eyring, “Mme Ukpebnkpo eke ‘Ufokemena: Etop emi enode Ererimbot,’” New Era, Sept. 2015, 5, 6.

  5. Richard G. Scott, “Man Emem Odu ke Ufok,” 31.

Kere banga Emi

Nso ke nnyin ikpenam man itim idu eti uwem ofon ke ufokemana nnyin?