Serafo

Ew Emenimen mi Tongeni Asokano mettoch

Preseten Uchtdorf a affatano ruu mettoch mi auchea sipwe achocho ngeni epwe wor rech ren ach foffor: tongei Kot me tongei monun unukuch. Nge fan ekkoch ese chok mecheres ach sipwe tongei ekkoch. Non unusen manauom, eni epwe wor fansoun nupwen ka kuna pwe mi weires om kopweasos ngeni ekkoch—meni emon a fen ametekuk ika mi fen weires ngonuk om kopwe porous ika chiechioch ngeni emon. Non ekkei fansoun, sotuni ne chechemeni ewe tong ka fen mefi seni chiechiom, famini, Semach won Nang, me Jises Kraist. Chechemeni ewe pwapwa ka mefi non ekkena fansoun me sotuni ne aneanei ika emon me emon a pwan wor ren ena tufich an epwe mefi ena sokkun tong. Chechemeni pwe meinisin ir noun Kot fopun ika anuon me mi murinno ngeni ir An me om tong.

Ekieki usun emon aramas non manauom ewe en mi weires om kopwe chiechi ngeni. Apacherenong non om iotek me tingorei Semach won Nang epwe suki netipom ngenir. Kopwe mwitir nenengenir usun I a nenengenir: usun emon Noun mi murinno ngeni tong.

Mwirin om ka iotek, fori och mettoch mi och fan iter! Menin kopwe tingorer repwe fiti ew mwichen Chufengen ika ew kukunou me chienom kewe. Urenir kopwe anisir ren ar assignment. Pwan mwo apasa chok “ran allim” me amenimen ngenir. Ekkewe kukkun mettoch mi tongeni awatteno sokonon mettoch … non manauom me manuer!