Porous seni Fefin Chon Amwa, January 2017
Ewe Popun Ekkewe Fin Anisi
Anneani ekkei poraus fiti iotek me kutta om kopwe sinei met kopwe aporausa.
Nuku, Famini, Aninis
Linda a apasa pwe ewe popun Fin Anisi an epwe “amonata fefin ngeni ekkewe feiochun manau esemuch,” K. Burton, Presetenin Fin Anisi Unus.1 Ei seni nuku, famini, me ngaseno ewe sia angang fengen non ach “kinikinin angang mi auchea.”2
Carole a apasa pwe Fin Anisi “ew angangen pekin inis me pekin ngun,” M. Stephens, Aemonun Chon Aninis non ewe Presetensin Fin Anisi Unus. “ Iei met ekkewe fefin ra fori non ekkewe ranin ewe Chon Amanau, me ina met sipwe sopweno ne fori.”3
Nupwen sia nenengeni ewe fin Samaria ren ewe ito, ewe a nikitatiw an we ruumen konik me sano ne ureni ekkoch pwe Jises I emon soufos (nengeni John 4:6–42), ika ngeni Phebe, ewe a pwapwa ne angang ngeni ekkoch non unusen manauan (nengeni Romans 16:1–2), sia kuna nenien appiru an fefin non ekkewe ranin ewe Chon Amanau ekkewe mi wor wiser ne feito ren Kraist. I ewe a suku aanach ngeni manau esemuch (nengeni John 3:16).
Nupwen sia nenengeni pwich kewe akkom non Nauvoo, Illinois, ekkewe ra ioifengen non imwen Sarah Kimball we non 1842 ne efisata ar we pwisin tettenin mwicheich, sia kuna an Kot kokkot a afisata Fin Anisi ar repwe angang fengen me ewe pristut. Mwirin Eliza R. Snow a makkei ew chunapen annuk, ewe Soufos Joseph Smith a attonaochu. A apareni pwe ewe Mwichefen ese kon tettenoch tori an ekkewe fefin repwe tettenoch. A apasa pwe ewe Samon a etiwa ar asor nge mi wor och mettoch mi murinno seni. “ Upwe etetteniochu ekkewe fefin fan ewe pristut mwirin tettenin ewe pristut,” a apasa.4
“Ewe Fin Anisi esap chok pwan ew mwichen fefin ra achocho ne fori mi och non ewe fonufan. Mi sokkono A ew ‘mettoch mi murinno’ pokiten a etetten fan mumutan ewe pristut. Tettenin we mi ew tetten mi auchea non ach ew non an Kot angang won fonufan.”5
Pwan ekkoch Wokisin me Porous
Doctrine and Covenants 25:2–3, 10; 88:73; reliefsociety.lds.org
© 2017 seni Intellectual Reserve, Inc. Meinisin pung mi kawor. A for non Amerika. Kapungunon non fosun Merika: 6/16. Kapungunon chiakun: 6/16. Chiaku seni Visiting Teaching Message, January 2017. Chuukese. 97921 901