Iwaad

Edituak Inua-imam Ekeme Ndinam Ukpuhore-nkpo

President Uchtdorf ono usung iba emi nnyin ikpenyenede ino mme edinam nnyin: ndima Abasi ye ndima mbonowo nnyin efen. Edi ke ubak-ini idige ata mmem-mmem nkpo ke ndima mbon efen. Ke ofuri eyo uwem mbufo, ekeme ndidi ini esidu emi osongde ono mbufo ndinam-nkpo ye mbon efen—ekeme ndidi owo ama anam esit ayat fi ye mme afo ukukemeke ndineme-nneme mme ndinam nsanga ye owo kiet. Ke mme ndaha ini emi, domo nditi ima emi afo okokopde oto mme ufan, ufokemana, Ete ke Enyong ye Jesus Christ. Ti idaresit emi mbufo ekekopde ke ndaha-ini oro yung domo ndikere mme kpukpru owo ema enyene ufang ndikop oruk ima oro. Ti ete ke kpukpru owo edi eyenanwan ye eyeneren eke Abasi ndien ke mmo edot ndibo ima Esie ye ima eke mbufo.

Kere banga akpan owo ke uwem mbufo emi osongde ono mbufo ke ndinam-ufan ye enye. Sin mmo ke akam mbufo yung bup Ete ke Enyong ete ebere esit mbufo ono mmo. Idibighike mbufo eyetongo ndikut nte Enye anamde mmo: nte kiet kotu ndito Esie emi edotde ndibo ima.

Ke ama okobong okure, nam eti nkpo nno mmo! Emekeme ndikot mmo ete edi edinam ufok Abasi kiet mme ndisanga nworo-anwa ye mme ufan. Nno unwam ke ndinyanga nnam ubiongutom emi ekenode ke ufoknwed ete edinam ke ufok. Nte ededi doho ete”mmokom” yung sak-imam ye mmo. Mme mkpri nkpo emi ekeme ndinam akwa ukpuhore-nkpo … ke uwem mbufo mbiba!