Mbabun

Anoyerɛw Botum Dze Nsonsonee no Aba

President Uchtdorf da botae ebien bi edzi a ɔsɛ dɛ ɔkã hɛn ntɔyɛɛ ho: yɛndɔ Nyankopɔn na yɛndɔ hɛn mfɛfo adasamba. Mbom ɔtɔfabi a ɔyɛ dzen dɛ ibɔdɔ binom. W’abrabɔ mu no, mber binom wɔ hɔ a ɔbɛyɛ dzen ama wo dɛ enye binom benya nkitahodzi—bia obi ayɛ adze ma ɔayɛ wo yaw anaa ɔayɛ dzen dɛ enye obi bɛkasa anaa wɔbɔkɔ do. Mber yinom mu no, bɔ mbɔdzen dɛ ibɛkaa ɔdɔ no a aatse eefi anyɛnkofo, ebusuafo, Ɔsor Egya na Jesus Christ hɔ no. Kaa enyigye a enyaa no dɛm gyinabew horow no mu na bɔ mbɔdzen dwendwen ho dɛ obiara benya kwan aatse dɛm ɔdɔ no bi. Kaa dɛ obiara yɛ Nyankopɔn ne babaa anaa ne babanyin na ɔfata No dɔ nye wo dɔ so.

Dwen obi pɔtsee bi wɔ w’abrabɔ mu a ɔayɛ wo dzen dɛ enye no bɔkɔ do. Enye hɔn nkã wo mpaabɔ ho na bisa Ɔsor Egya ma Ombuei w’akoma mu mma hɔn. Ɔnnkɛkyɛr na ehu hɔn dɛ mbrɛ Ohu hɔn no: dɛ Ne mba no mu ɔbaako a ɔfata ɔdɔ.

Abɔ mpaa ekyir no, yɛ biribi fɛɛfɛw ma hɔn! Bia to nsa frɛ hɔn ma wɔmbra Mutual nkitahodzi bi anaa wɔnye anyɛnkofo mpue. Kã dɛ ibɛma mboa wɔ homework dwumadzi bi ho. Kã “hello” ara mpo na yerɛw w’ano kyerɛ hɔn. Ndzɛmba nketseketse no botum dze nsonsonee kɛse aba … hom beenu no abrabɔ mu!