Ngeasek

A Klikm a Ngarngii a le Relii

A President Uchtdorf a ulecholt a eru el teletael el kired lolab el mo kerbai er kid: beltik el reng el mora Dios ma beltik el reng el mora re bebil er kid. E ng di bebil ra taem e ng diak el beot a dou beltik el reng el mo ra rebebil. Chelsel a klengar er kau, e ng locha ngarngii a taem el blol meringel er kau lobengterir a rebebil—leng locha chad el mlo mekngit er kau malechub e ng meringel er kau el mengedecheduch malechub e ke mo kmeed ra kmung techang. A ikaikid el taem, e molasem el melebedebek er sel beltik el reng el blo molchesuar e mlara re sechelim, telungalk er kau, Chedam er a Babeluades, ma Jesus Kristo. Molatk er sel deurreng el blo molchesuar ra ikeikid el teletael e molasem lomes el ulekum ma re bek el chad meng ngarngii a techellir el mo melchesuar er seikid el beltik el reng. Molatk el kmo a rokui el chad a ngelekel a Dios e ngara ulecherangel el kirel sel beltik el reng er Ngii me kau.

Ka momdasu er a imol chad er a klengar er kau el meringel er kau el kmeed er ngii. Bol ngara nglunguchem e molengit ra Demad er a Babeluades mel bekengii a rengum el mo er tir. Ngdiak el meketeket e kemo omes er tir el di uai Ngii: el tara re Ngelekel el ngara ulecherangel ra beltik el reng.

Uriul ra moluluuch, e bom mrelii a ungil tekoi el mo er tir! Ke locha mo oleker er tir el mora tekoi ra Mutual malechub e ko mo mesarech lobengterir a sechelimiu. Mochotii el molngeseu ra subelel. Ma kuk di mdu el kmo “alii” e lungil osengem el mo er tir. A mekekerei el tekoi a kmal klou a le relii … ra klengar er kemiu!