Klumech er a re Oldingel e Olsisechakl, Kot el buil 2017
Moktek ra Relief Society
Mosuub er tial tekoi lokiu a nglunguuch e mosiik el mo medengelii a bo mobang lolisechakl.
Klaumerang, Telungalek, Ngeseu
A moktek er a Relief Society a mo “mengetmokl er a redil el kirel a ikel klengeltengat er a diak a ulebengelel el klengar,” ng melekoi a Linda K. Burton, Relief Society General President.1 Ngokiu a klaumerang, telungalk, ma ngeseu e kid a ulsiseb ra urrered el “lorechudel el telkib er tial lureor.”2
A Relief Society “a tekingel a klechad me a ureor ra reng,” ng melekoi a Carole M. Stephens, Kot el Counselor ra Relief Society General Presidency. “Sei e a lulengetmokl er ngii a redil ra le temel a Osobel, e tiakid e aki molemolm el meruul er ngii.”3
Mesel domes el mo er ngikel redil ra Samaria ra le ngar sel madedok, el mlo mecherei a ollemelel ra ralm e rirurt el mo ouchais ra rebebil el kmo a Jesus a profet (mesa Johanes 4:6–42), malechub e ng Phebe, el di mla ra deurreng el mesiou ra rebebil el mora kodellel (mesa Rom 16:1–2), kede mes a okesiu ra redil ra temel a Osobel el mla rengii a mesisiich lureor luruul el mlo mecherrungel lokiu a Kristo. Ngokiu er Ngii el dmedesii a roled el mora diak a ulebengelel el klengar (mesa Johanes 3:16).
Sel domes ra re mle kot el rodos el ngara Nauvoo, Illinois, el mlo kldibel er a blil a Sarah Kimball ra 1842 el mlo mengudel er a chelechad er tir, e kede mesa uldesuel a Dios el lolkiis er a Relief Society el mo chelechad e mo klebechel el dmak ngii ma priesthood. Uriul ra Eliza R. Snow ra llechesii a uchetemel a llach, e a Profet Joseph Smith a mlo melbodeb er ngii. Ng mlo melchesuar el kmo a Ikelesia a dimlak el cherungel el di le merkmo a redil le bol chelludel. Ng dilu el kmo a Rubak a kongei ra uldesuir e ng di ngar ngii a lmuut el lungil. “Ak mo mengudel ra redil lokiu a priesthood el loltirakl er sel lokesiul a priesthood,” ng millekoi.4
“A Relief Society a diak el dil tara delbechelir a redil el melasem el meruul a ungil er tial belulechad. Ng ngodech. Ng “ngarngii lungil” leng ngii el cheludel e lokiu a klisichel a priesthood. A cheldelel a mle usbechall el bakes el merekii a urrelel a Dios er tial utem.”5
Bebil ra Chedaol llechukl ma Tekoi
Doctrine and Covenants 25:2–3, 10; 88:73; reliefsociety.lds.org
© 2017 by Intellectual Reserve, Inc. All rights reserved. Milluches er a USA. English approval: 6/16. Kengei ra Oidel: 6/16. Oidel ra Visiting Teaching Message, January 2017. Palauan. 97921 881