Molaetsa wa Thuto ya Ketelo, Hirikgong 2017
Maikaelelo a Mokgatlho wa Thuso
Ka thapelo ithute tiriso e mme o batle tlhotlheletso go itse se o ka se abelanang.
Tumelo, Lelwapa, Thuso
Maikaelelo a Mokgatlho wa Thuso ke go “baakanyetsa basadi ditshegofatso tsa botshelo jo bo sa khutleng,” ga bua Linda K. Burton, Moporesidente wa Kakaretso wa Mokgatlho wa Thuso.1 Ke ka tumelo, lelwapa, le thuso gore re re inaakantse le “karolo e e botlhokwa mo tirong.”2
Mokgatlho wa Thuso “ke tiro ya lobaka lono fela le semowa.” ga bua Carole M. Stephens, Mogakolodi wa Ntlha mo Boporesidenteng jwa Kakaretso jwa Mokgatlho wa Thuso. “Se ke se basadi ba se dirileng mo matsatsing a ga Mmoloki, e bile ke se re tswelelang re se dira.”3
Jaaka re lebelela go mosadi wa Mosamarea kwa sedibeng, yoo a tlogetseng nkgwana ya gagwe ya metsi mme atabogela go bolelela ba bangwe gore Jeso ke moperofeti (bona John 4: 6–42), kgotsa go Febe, yo ka boitumelo a diretseng ba bangwe botshelo jotlhe jwa gagwe (bona Romans 16:1–2), re bona dikai tsa basadi mo matsatsing a ga mmoloki ba ba tsereng karolo e e tlhaga mo go tleng go Keresete. Ke Ene a bulang tsela ya rona ya botshelo jo bo sa khutleng (bona John 3:16).
Jaaka fa re leba go bokgaitsadi ba rona ba batholobodi mo Nauvoo, Illinois, ba ba phuthegetseng mo lwapeng la ga Sarah Kimball ka 1842 go tlhoma mokgatlho wa bone, re bona thulaganyo ya Modimo go tlisa Mokgatlho wa Thuso mo botshelong le mo tumalanong le boperesiti. Morago ga gore Eliza R. Snow a kwale molao motheo, Moperofeti Joseph Smith a o amogela. A lemoga gore Kereke ga ya rulagangwa mo go feletseng go fitlhelela basadi ba rulagangwa. O ne a re Morena o amogela kabelo ya bone le gore go na le sengwe se se botoka. “Ke tlaa rulaganya basadi ka fa tlase ga boperesiti morago ga sekaelo sa boperesiti,” a bua.4
“Mokgatlho wa Thuso e ne e se fela nngwe ya setlhopha sa basadi se se lekang go dira molemo mo lefatsheng. O ne o farologanye. E ne ele ‘sengwe se se botoka’ ka ntlha ya gore o ne o rulagantswe ka fa tlase ga taolo ya boperesiti. Go rulagangwa ga one e ne e le kgato e e tlhokegang mo go phuthololeng tiro ya Modimo mo lefatsheng.”5
Dikwalo tse di Boitshepo tsa tlalaletso le Polelo
Doctrine and Covenants 25:2–3, 10; 88:73; reliefsociety.lds.org
© 2017 ka Intellectual Reserve, Inc. All rights reserved. E gatisitswe mo USA. Tetla ya Sekgoa: 6/16. Tetla ya Thanolo: 6/16. Thanolo ya Visiting Teaching Message, January 2017. Setswana 97921 763
Akanyetsa Se
Mokgatlho wa Thuso o ka thusa jang basadi go diragatsa botsayakarolo jwa bone jwa selegodimo jo Rara wa Legodimo a a bo ba beetseng le go ba kaela go botshelo jo bo sa khutleng?